Eks-depýtat Bekbolat Tileýhan shetel azamattyǵyn alýǵa ótinish bermegenin málimdedi, - dep habarlaidy Massaget.kz.
Aita keteiik, jaqynda áleýmettik jelilerde Bekbolat Tileýhan Túrkiia azamattyǵyn alýǵa ótinish bergeni týraly habar taraǵan bolatyn. BAQ ókilderi bul aqparatty derekkózge silteme jasap jariialaǵan edi.
Al Tileýhannyń ózi bul aqparatty joqqa shyǵaryp, Instagram-daǵy paraqshasynda málimdeme jasady.
"Bul málimdemege sebep bolyp otyrǵan - janashyr baýyrlarymnyń hattary. Aqylǵa syimaityn nársege nanbaityn shyǵar dep oilap edim. Sóitsem "basqa eldiń azamattyǵyn alýǵa ótinish beripti" degenge kádimgidei el ilanyp jatyr. Bulai málideme jasamasqa bolmaitynyna kózim jetip aityp otyrmyn. Aitaiyn degenim, qadirli baýyrlar, men eshqandai da ózge eldiń azamattyǵyn alýǵa ótinish bergen joqpyn. Qazaqstanda eki azamattyqqa tyiym salynǵan. "Kók" pasporttan aiyrylatyn oiym joq. Saiqal saiasatkerlerdiń jalasy. "Ulys Mediany" sotqa beremin. Olar sotqa beretinimdi bilip, ártúrli nárse jasaýy múmkin ǵoi. Biraq sarapshylar bar. Sotta kezdesemiz", - deidi saiasatker.
