Elimizde «Qazaqstannyń Eńbek eri» men «Sotsialistik eńbek eri» ataǵyna ie azamattar alatyn járdemaqy teńestirilmek, dep habarlaidy QazAqparat.
«Áleýmettik ádilettilikti qamtamasyz etý úshin UOS ardagerleri qataryndaǵy «Sotsialistik eńbek eri» sanatyndaǵy azamattar men «Sotsialistik eńbek eri» ataǵy bar azamattarǵa beriletin járdemaqyny 74,96 AEK-ten 138 AEK-ke deiin arttyrý usynyldy. Bul rette 2019 jyldyń 1 sáýirinen bastap «Qazaqstannyń Eńbek eri» ataǵyna ie azamattar úshin 138 AEK (385 myń teńge) kóleminde járdemaqy baryn atap ótý kerek. Alaida «Qazaqstannyń Eńbek eri» men «Sotsialistik eńbek eri» ataǵyna ie azamattar alyp júrgen tólemniń aitarlyqtai aiyrmashylyq baiqaldy», - dedi OKQ-da ótken baspasóz máslihatynda QR Eńbek jáne halyqty áleýmettik qorǵaý vitse-ministri Erlan Áýkenov.
Onyń aitýynsha qazirgi ýaqytta elimizde «Sotsialistik eńbek eri» ataǵyna ie 75 azamat bar.
Aita ketsek buǵan deiin Erlan Áýkenov Qazaqstanda ardagerlerdiń jańa sanattaryna engen azamattarǵa qandai járdemaqy beriletinin aityp bergen bolatyn. Ardagerlerdiń jańa sanattaryna engen azamattarǵa ai saiyn 4,8 AEK kóleminde, iaǵni 13 435 teńgelik arnaiy memlekettik járdemaqy taǵaiyndaý usynylyp otyr. Sonymen qatar olarǵa buryn kórsetilip kelgen jeńildikter men kepildikter kúshinde qalady
