Búgin Prezident janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń otyrysy ótti, dep habarlaidy "Ult aqparat".
Otyrysty onlain-rejimde ashqan Ulttyq komissiianyń tóraiymy Lázzat Ramazanova Memleket basshysy Qasym-Jomart Toqaevtyń qoiǵan mańyzdy mindetterdi oryndaý úshin memlekettik organdardyń jaýapkershiligin arttyrý qajettigin atap ótti.
«Ulttyq komissiia otbasy men balalardyń múddesin qorǵaýǵa qatysty ózekti máselelerdi talqylaý boiynsha qoǵamdyq dialogty damytýdy jalǵastyrýda. «Otbasylyq-turmystyq zorlyq-zombylyqqa qarsy is-qimyl týraly» zań jobasy ázirlendi. Búgingi tańda quqyq qorǵaýshy ÚEU belsendi qatysýymen 13 onlain-talqylaý ótkizildi», - dedi L.Ramazanova.
Otyrysta Qazaqstan Respýblikasyndaǵy 2030 jylǵa deiingi otbasylyq jáne genderlik saiasat tujyrymdamasyn iske asyrý jónindegi is-sharalar josparynyń birinshi kezeńiniń oryndalý qorytyndysy baiandaldy.
Otbasy institýtyn nyǵaitýǵa, otbasylyq qundylyqtardy ilgeriletýge baǵyttalǵan birqatar áleýmettik-mańyzdy jobalar iske asyryldy. Joǵarǵy Sottyń qoldaýymen «Baqytty otbasy» otbasylyq sottar janyndaǵy otbasyn resýrstyq qoldaýdyń 12 ortalyǵynyń qyzmeti qamtamasyz etildi (Nur-Sultan, Almaty qalalarynda, Qaraǵandy, Aqmola, Atyraý, Jambyl, Qostanai jáne Shyǵys Qazaqstan oblystarynda).
Esepti kezeńde ortalyqtarǵa 2 750-den astam adam ótinish jasady, onyń ishinde ajyrasý máseleleri boiynsha – 2030 adam. Tatýlasýǵa daiyn adam sany 38,1% (774 adam) qurady.
«ÓNEGE» jobasy sheńberinde 9 óńirde áleýmettik qyzmetter 1125 konsýltatsiialyq qyzmet kórsetti jáne otbasyndaǵy ómirlik qiyn jaǵdaidyń 225 oqiǵasy boiynsha kómek berdi.
19 myń adam tegin keńes aldy, onyń ishinde 350-i qiyn jaǵdaiǵa tap bolǵan.
«Rýhani jańǵyrý» qazaqstandyq qoǵamdyq damý institýtynyń qurylymynda otbasy institýtyn zertteý ortalyǵy ashyldy. Biyl ortalyq otbasynyń ózekti máseleleri boiynsha birqatar zertteýler júrgizedi.
2019 jyly Nur-Sultan qalasynda «Januia» ortalyǵy ashyldy, ol «bir tereze» qaǵidaty boiynsha qala turǵyndaryna kórsetiletin memlekettik qyzmetterdi biriktiredi jáne otbasylarmen jeke jumys júrgizedi.
Búgingi kúni ortalyqqa 14,8 myń suraqpen 7 myńǵa jýyq adam júgindi. 11,5 myńnan astam keńes berilip, onyń barysynda 3,5 myńnan astam másele sheshildi.
Talqylaý barysynda Qazaqstandaǵy otbasylyq jáne genderlik saiasat salasyndaǵy nysanaly indikatorlarǵa qol jetkizýge bailanysty birqatar máseleler atap ótildi.
Otyrysqa qatysýshylarǵa IýNFPA-nyń Qazaqstandaǵy ókildigi ótkizgen «urpaq jáne gender» zertteý qorytyndylary usynyldy.
Sońynda Prezident janyndaǵy Áielder isteri jáne otbasylyq-demografiialyq saiasat jónindegi ulttyq komissiianyń 20 jyldyǵyna arnalǵan kitap tanystyryldy.
Otyrys qorytyndysy boiynsha tiisti ministrlikter men jergilikti atqarýshy organdarǵa naqty tapsyrmalar berildi.
