Para aldy degen kúdikpen ustalǵan Aqmola oblysynyń Zerendi aýdanynyń ákimi Mereke Mustafindi sot 2 aiǵa merzimge qamaýda ustaý týraly sanktsiiany qoldandy, dep habarlaidy "Ult aqparat".
Aqmola oblystyq sotynyń baspasóz qyzmetiniń málimeti boiynsha, tergeý sýdiasy kúdikti Mereke Mustafinge qatysty aiǵa merzimge qamaýda ustaý týraly sanktsiia qoldandy.
«Mundai sharany qoldanýǵa er adamnyń jemqorlyqqa qatysty aýyr qylmys jasaǵany, qylmystyq tergeý organdarynyń sharalaryna kedergi keltirý, sondai-aq, tergeý men sottan boi tasalaý múmkindigi negiz boldy. Sot qylmystyń aýyrlyǵyn eskerip, kepil məselesin qarastyrmady», dep túsindirdi vedomstvonyń baspasóz qyzmeti.
Belgili bolǵandai, qańtardyń 17-i kúni Mereke Mustafin QR QK 366 babynyń 2 bóligine səikes qylmys jasady degen kúdikpen qylmystyq protsessýaldyq kodekstiń 128 baby boiynsha ustalyp, Kókshetaý qalasynyń PB ýaqytsha ustaý izoliatoryna qamaldy.
Keiin onyń ərketine bailanysty QR QK 366 babynyń 2 bóligi jəne 25 babynyń 2 bóligi boiynsha jańa qaýly shyǵaryldy.
Eske sala keteiik, osyǵan deiin habarlaǵanymyzdai jaqynda Sybailas jemqorlyqqa qarsy is-qimyl ulttyq biýrosy Aqmola oblysy Zerendi aýdanynyń ákimi Mereke Mustafindi ustaǵan bolatyn.
Keiin Memlekettik qyzmet isteri jáne sybailas jemqorlyqqa qarsy is-qimyl agenttiginiń resmi ókili Janna Bastarova Zerendi aýdany ákiminiń ustalýy jónindegi aqparatty rastaǵan edi.
