Foto: depositphotos.com
Aqtóbe turǵyny burynǵy áieliniń ústinen sotqa shaǵymdanyp, ortaq páterde turý quqyǵyn qorǵap qaldy, - dep habarlaidy Tengrinews.kz portaly "Diapazon" basylymyna silteme jasap.
Aqtóbede azamattyq ister boiynsha sotta erekshe is qaraldy. Er adam burynǵy áieliniń ústinen sotqa shaǵym túsirgen. Ol burynǵy áielimen ortaq páteri bar ekenin, qazir ol basqa er adammen birge turatynyn jáne ol óz úiinen ketkenin túsindirdi. Ol sot arqyly daýly páterge kirýge ruqsat berýdi, oǵan jeke bólme bólýdi, dálizdi, dárethanany jáne as úidi ortaq paidalanýda qaldyrýdy talap etti.
Sotta jaýapker burynǵy kúieýiniń úige kóshýine kedergi jasamaǵanyn, tipti oǵan qonaq bólmesin berýge de daiyn ekenin aitqan. Sot ajyrasqan talapkerdiń talap aryzyn ádiletti dep sanap, oǵan aýdany 15,7 sharshy metr bolatyn qonaq bólmeni, jaýapkerge aýdany 13,2 sharshy metr bolatyn bólmeni belgilegen. Burynǵy erli-zaiyptylar dárethana, dáliz jáne asúidi teńdei paidalana alady, dep sheshti sot.
