Qazybek bi aýdanynyń №2 soty Qaraǵandy oblysy ákiminiń burynǵy premer-ministr Serik Ahmetov, Qaraǵandy oblysynyń burynǵy ákimi Baýyrjan Ábdishev, qalanyń burynǵy ákimi Meiram Smaǵulov, sondai-aq, Muhtar Adambekov pen Aidos Jakenovqa qatysty ótinishin qaita qarap shyqty. Sot shyǵynnyń kólemin 17 310 000 teńgege deiin qysqartý týraly sheshim qabyldady, - dep habarlaidy kaz.tengrinews.kz.
Bul joly Qaraǵandy ákiminiń ótinishin sýdia Jumabike Ǵalieva qarady. Osylaisha, sot memleketke keltirilgen materialdyq shyǵynnyń kólemin azaitý týraly sheshim qabyldap, ótinishti qanaǵattandyrdy.
"Qaraǵandy qalasynyń ákiminiń Serik Ahmetovtyń, Baýyrjan Ábdishevtiń, Meiram Smaǵulovtyń, Muhtar Adambekovtyń jáne Aidos Jakenovtyń memleketke keltirgen materialdyq shyǵynyn bólip tóleý týraly ótinishi qanaǵattandyrylsyn. Sot aldyna kelgenderden jergilikti biýdjettiń esebine 17 310 000 teńge óndirilsin", - delingen sottyń sheshiminde.
Sonymen qatar, joǵaryda kórsetilgenderdiń árqaisysy 103 806 teńge retinde memlekettik baj tóleýge mindetteldi. Sot sheshimi zańdy kúshine endi.
Eske sala keteiik, Qazaqstannyń burynǵy ministri Serik Ahmetovke jemqorlyq mándegi alty qylmys boiynsha resmi túrde aiyp taǵylǵan bolatyn, olardyń qatarynda asa iri kólemde para aldy (tergeýdiń tujyrymynsha, 2 million 400 myń dollar - Avtor.), asa iri kólemde biýdjet qarjysyn jymqyrdy, laýazymyn asyra paidalandy jáne kásipkerlik qyzmetke zańsyz aralasty degen aiyptar bar. Al osyǵan deiin Qaraǵandy oblysynyń burynǵy ákimi Baýyrjan Ábdishev qyzmettik ókilettigin teris paidalanǵany úshin QR Qylmystyq Kodeksiniń 307-baby boiynsha aiyptalǵan edi. Oǵan "Memlekettik satyp alýlar týraly" zańdy jeke maqsaty úshin buza otyryp, tenderlerde jekelegen firmalardyń múddesin qorǵady degen aiyp taǵyldy.
Serik Ahmetov 2014 jyly qarashada qamaýǵa alynǵan bolatyn. Osydan keiin qamaý merzimi uzartyldy.
Al keiinirek Serik Ahmetovtiń isi boiynsha sottalǵan adamnyń merziminen buryn shartty túrde bosatylǵany habarlanǵan bolatyn. "Sottalýshynyń ótinishi qanaǵattandyrylsyn. Qaraǵandy oblystyq qylmystyq ister boiynsha mamandandyrylǵan aýdandyq sottyń shyǵarǵan úkimimen sottalǵan Dáribekov Ernar Maratuly merziminen buryn shartty túrde bosatylsyn. Eki jylǵa bas bostandyǵynan jáne memlekettik mekemelerde 5 jylǵa deiin qyzmet etý quqyǵynan aiyrylsyn", - delingen sottyń qaýlysynda. Aita keteiik, Dáribekov 5 shildede bosatyldy.
