Foto: © Sputnik / Vladislav Vodnev
Ulttyq qaýipsizdik komitetiniń burynǵy basshysy Kárim Másimov pen onyń orynbasarlary jazalaryn qaýiptiligi ortasha mekemede óteitin boldy, dep habarlaidy "Ult aqparat" elordalyq sottyń baspasóz qyzmetine silteme jasap.
16 maýsymda Astana qalalyq sotynyń qylmystyq ister jónindegi apelliatsiialyq satysy K. Másimov, A. Sadyqulov, D. Erǵojin, M. Osipov pen olardyń qorǵaýshylarynyń shaǵymdary boiynsha «Óte qupiia» degen belgisi bar qylmystyq isti qaita qarady.
Aita keteiik, Astana qalasynyń qylmystyq ister jónindegi mamandandyrylǵan aýdanaralyq sotynyń 2023 jylǵy 24 sáýirdegi úkimimen K. Másimov pen A. Sadyqulov QK-niń 175-babynyń 1-bóligi, 179-babynyń 3-bóligi, 362-baby 4-bóliginiń 3) tarmaǵy boiynsha kináli dep tanylyp, 18 jáne 16 jylǵa bas bostandyǵynan aiyrylǵan edi.
Sondai-aq D. Erǵojin QK-niń 179-babynyń 3-bóligi, 362-baby 4-bóliginiń 3) tarmaǵy boiynsha kináli dep tanylyp, 15 jylǵa, M. Osipov QK-niń 362-babynyń 3-bóligi boiynsha 3 jyl merzimge bas bostandyǵynan aiyrý jazasyn taǵaiyndaýmen sottalǵan.
"Apelliatsiialyq saty K. Másimovke, A. Sadyqulovqa jáne D. Erǵojinge qatysty birinshi satydaǵy sottyń úkimin jazany óteý mekemesin eń joǵary mekemeden ortasha qaýipsizdik mekemesinde óteý bóliginde ózgertti.
QK-niń 6-babyna sáikes sottalǵandardyń jaǵdaiyn jaqsartatyn zań keri kúshke ie jáne sottar ony qoldanýǵa mindetti.
2023 jylǵy 21 mamyrda kúshine engen QK-niń 46-babyna zań shyǵarýshy engizgen ózgeristerge sáikes buryn bas bostandyǵynan aiyrýdy ótemegen, qasaqana qylmys jasaǵany úshin 2 jyldan astam merzimge bas bostandyǵynan aiyrýǵa sottalǵan adamdarǵa bas bostandyǵynan aiyrý túrindegi jazany óteý ortasha qaýipsizdik qylmystyq-atqarý júiesiniń mekemelerinde taǵaiyndalady (jasalǵan qylmystyń aýyrlyǵyna qaramastan)" - delingen habarlamada.
Úkimniń qalǵan bóligi ózgerissiz qaldyrylǵan. Úkim zańdy kúshine endi.
