Foto: Ashyqderekkóz
Astananyń mamandandyrylǵan aýdanaralyq ekonomikalyq soty Qashaǵan operatoryn Qazaqstan paidasyna 3,5 mlrd teńge tóleýge mindettedi. Bul týraly Sot kabinetindegi qujatta jariialanǵan, dep habarlaidy Ult.kz Kýrsivke silteme jasap.
Sot NCOC-tyń appeliatsiialyq shaǵymyn qarap, kompaniia talabyn qanaǵattandyrmady.
«Nort Kaspian Opereiting kompaniiasy N.V.» filialynyń sot isin qaraýsyz qaldyrý jónindegi talabyn qanaǵattandyrýdan bas tartylsyn», – delingen sot úkiminde.
Daýdyń basy
QR Energetika ministrligi Qashaǵan ken ornynda keshendi tekseris júrgize kele, kompaniianyń ýákiletti organnyń ruqsatynsyz shiki gazdy jaǵý faktisin anyqtaǵan.
Operator óz kezeginde Qazaqstan Respýblikasynyń «Jer qoinaýy jáne jer qoinaýyn paidalaný týraly» týra Kodeksiniń 49-babyn alǵa tartyp, jer paidalanýshy retinde jer qoinaýyn igerý operatsiialaryn júzege asyrǵanyn málimdep, appeliatsiialyq shaǵym túsirgen. Alaida sot gaz jaǵý ulttyq zańnama normalaryn buzdy dep tanyp, kompaniianyń alǵa tartqan ýájin qabyldamaǵan.
Solaisha buǵan deiin shyqqan sot sheshimi ózgerissiz qalǵan. Oǵan sáikes, kompaniiadan 2 823 549 395 teńge jáne 726 998 611 teńge mólsherinde keltirilgen zalal somasy óndirip alynýy kerek.
