Foto: ©️ Tengrinews.kz / Turar Qazanǵapov
Astana qalasynyń aýdanaralyq soty burynǵy politsiia qyzmetkerine qatysty úkim shyǵardy, dep habarlaidy "Ult aqparat".
"11 qazanda Astana qalasynyń qylmystyq ister jónindegi aýdanaralyq soty laýazymdy adamnyń alaiaqtyqqa oqtalý faktisi boiynsha K.-ǵa qatysty úkim shyǵardy (QR QK-niń 24-babynyń 3-bóligi – 190-baby 3-bóliginiń 2) tarmaǵy –esk.)
K. politsiia qyzmetkeri bola tura, kúdikti B.-ny aldap, oǵan izdeý jariialamaýǵa ýáde berip, 300 myń teńge mólsherinde aqshalai qarajat talap etken. Óz kezeginde B. Sybailas jemqorlyqqa qarsy qyzmetke júgindi.
Budan ári, jasyryn tergeý áreketteriniń nátijesinde Antikor qyzmetkerleri K.-ny B.-ǵa aqsha qarajatyn berý kezinde ustady" - delingen habarlamada.
Sot málimetinshe, prokýror aiypty qoldap, aiyppul túrinde jaza taǵaiyndaýdy surady. Jábirlenýshi tarap ta aiyppul túrinde jaza taǵaiyndaýdy surady.
Sottalýshynyń kinási onyń moiyndaý aiǵaqtarymen, jábirlenýshiniń aiǵaqtarymen, jasyryn tergeý áreketteriniń materialdarymen dáleldengen.
Sot qylmystyq jaýaptylyq pen jazany jeńildetetin mán-jailar retinde jasaǵan áreketine shyn júrekten ókinýi men 3 jas balasynyń bolýyn tanyǵan. Al qabyldaǵan antyn buzýy jazany aýyrlatatyn mán-jai retinde tanylǵan.
"QR QK-niń 190-baby 3-bóligi 2) tarmaqshasynyń sanktsiiasy urlanǵan múliktiń 10 eselengen mólsherinen 20 eselengen mólsherine deiin aiyppul nemese múlki tárkilenip, belgili bir laýazymdardy atqarý nemese belgili bir qyzmetpen ainalysý quqyǵynan ómir boiyna aiyra otyryp, 3 jyldan 7 jylǵa deiingi merzimge bas bostandyǵynan aiyrý túrindegi jazany kózdeidi.
Sot úkimimen K. laýazymdy adamnyń alaiaqtyq áreketin jasaýǵa oqtalǵany úshin kináli dep tanylyp, oǵan memlekettik qyzmette qyzmet atqarý quqyǵynan ómir boiyna aiyryla otyryp, memleket kirisine 2 mln. 250 myń teńge mólsherinde aiyppul túrindegi jaza taǵaiyndaldy.
Sondai-aq, QR QK-niń 49-babyna sáikes, «politsiia kapitany» arnaiy ataǵynan aiyryldy" - delingen habarlamada.
Úkim zańdy kúshine engen joq.
