Biyl 7 qarasha Astanada burynǵy ulttyq ekonomika ministri Qýandyq Bishimbaev pen istiń ózge de 22 figýrantyna qatysty basty sot otyrysy ótedi, - dep habarlaidy "Ult aqparat" kaz.tengrinews.kz portalyna silteme jasap.
Sot otyrysy kezinde sýdia 23 figýrant advokattarynyń oqyǵan ótinishteriniń kóbin qanaǵattandyrmai tastady. Munyń aldynda Qýandyq Bishimbaevtyń qorǵaýshylary burynǵy ministrge qatysty aiyptardyń negizsiz dep, oǵan qatysty qylmystyq qýdalaýdy toqtatýdy suraǵan.
Advokattar Mýsin men Rahmanov aiyptalýshy Bishimbaevqa qatysty qylmystyq isti toqtatý ótinishin oqydy. Sot bul máseleni talqylaýǵa saldy: bul kezeńde dálelder baǵalanbaidy jáne zerttelmeidi. Tek sot otyrysynda sýdia kýáger, aiyptalýshy, zardap shegýshi tarap pen mamandardy tyńdap, zattyq dálelderdi qaraý kerek. Osyǵan bailanysty ótinishti bul kezeńde qanaǵattandyrý múmkin emes", - deidi sýdia Ádilhan Shaihislamov.
Sonymen qatar, sýdia istiń ózge de figýranttarynyń qorǵaýshylary suraǵan bultartpaý sharasyn ózgertý týraly ótinishterin qanaǵattandyrmady.
