Atyraý oblystyq sotynyń baspasóz qyzmeti Baqytgúl Hamenovany eki aiǵa qamaýǵa alý sheshimin túsindirdi, - dep habarlaidy Tengrinews.kz.
Prokýror ótinishi boiynsha Atyraý oblystyq sotynyń Qylmystyq ister jónindegi sot alqasy Atyraý qalalyq mamandandyrylǵan tergeý sotynyń 12 jeltoqsandaǵy oblys ákiminiń orynbasary Baqytgúl Hamenovany úiqamaqqa alý týraly sheshimi kúshin joidy. Jańa qaýly boiynsha, Hamenova eki aiǵa qamaýǵa alyndy.
"Sot alqasy Hamenovanyń sanktsiiasy boiynsha jeti jyldan 12 jylǵa deiin bas bostandyǵynan aiyrý jazasy qarastyrylǵan asa aýyr sybailas jemqorlyq quqyqbuzýshylyq (QK-nyń 366-baby 3-bóliginiń 2-tarmaǵy) jasady degen kúdikke ilingenin eskerdi. Bul protseske qatysýshylarǵa jáne isti obektiv tergep-tekserýge qysym kórsetýi múmkin", - dedi sottyń baspasóz qyzmeti ókilderi.
Buǵan deiin iri kólemde para aldy degen kúdikpen úiqamaqqa alynǵan Atyraý oblysy ákiminiń orynbasary Baqytgúl Hamenova tutqyndalyp, eki aiǵa ýaqytsha ustaý izoliatoryna qamalǵany habarlanǵan bolatyn.
Aita keteiik, tergeý sýdiasy kúdikti jalǵyzbasty áiel, Atyraý qalasynda turaqty mekenjaiy baryn, qylmystyq qýdalaý organdarynan jasyrynbaǵanyn, jaltarmaǵandyǵyn, buryn sotty bolmaǵanyn, jalǵyz ózi eki jas balany tárbielep otyrǵanyn, asyraýynda qart anasynyń bar ekenin nazarǵa alyp, protsestik zańnamada kózdelgen shekteýlerdi belgilei otyryp, úiqamaq túrindegi bultartpaý sharasyn tańdaý qajet ekeni týraly qorytyndyǵa kelgen edi.
