اتىراۋ وبلىستىق سوتىنىڭ باسپاسٶز قىزمەتٸ باقىتگٷل حامەنوۆانى ەكٸ ايعا قاماۋعا الۋ شەشٸمٸن تٷسٸندٸردٸ, - دەپ حابارلايدى Tengrinews.kz.
پروكۋرور ٶتٸنٸشٸ بويىنشا اتىراۋ وبلىستىق سوتىنىڭ قىلمىستىق ٸستەر جٶنٸندەگٸ سوت القاسى اتىراۋ قالالىق مامانداندىرىلعان تەرگەۋ سوتىنىڭ 12 جەلتوقسانداعى وبلىس ەكٸمٸنٸڭ ورىنباسارى باقىتگٷل حامەنوۆانى ٷيقاماققا الۋ تۋرالى شەشٸمٸ كٷشٸن جويدى. جاڭا قاۋلى بويىنشا, حامەنوۆا ەكٸ ايعا قاماۋعا الىندى.
"سوت القاسى حامەنوۆانىڭ سانكتسيياسى بويىنشا جەتٸ جىلدان 12 جىلعا دەيٸن باس بوستاندىعىنان ايىرۋ جازاسى قاراستىرىلعان اسا اۋىر سىبايلاس جەمقورلىق قۇقىقبۇزۋشىلىق (قك-نىڭ 366-بابى 3-بٶلٸگٸنٸڭ 2-تارماعى) جاسادى دەگەن كٷدٸككە ٸلٸنگەنٸن ەسكەردٸ. بۇل پروتسەسكە قاتىسۋشىلارعا جەنە ٸستٸ وبەكتيۆ تەرگەپ-تەكسەرۋگە قىسىم كٶرسەتۋٸ مٷمكٸن", - دەدٸ سوتتىڭ باسپاسٶز قىزمەتٸ ٶكٸلدەرٸ.
بۇعان دەيٸن ٸرٸ كٶلەمدە پارا الدى دەگەن كٷدٸكپەن ٷيقاماققا الىنعان اتىراۋ وبلىسى ەكٸمٸنٸڭ ورىنباسارى باقىتگٷل حامەنوۆا تۇتقىندالىپ, ەكٸ ايعا ۋاقىتشا ۇستاۋ يزولياتورىنا قامالعانى حابارلانعان بولاتىن.
ايتا كەتەيٸك, تەرگەۋ سۋدياسى كٷدٸكتٸ جالعىزباستى ەيەل, اتىراۋ قالاسىندا تۇراقتى مەكەنجايى بارىن, قىلمىستىق قۋدالاۋ ورگاندارىنان جاسىرىنباعانىن, جالتارماعاندىعىن, بۇرىن سوتتى بولماعانىن, جالعىز ٶزٸ ەكٸ جاس بالانى تەربيەلەپ وتىرعانىن, اسىراۋىندا قارت اناسىنىڭ بار ەكەنٸن نازارعا الىپ, پروتسەستٸك زاڭنامادا كٶزدەلگەن شەكتەۋلەردٸ بەلگٸلەي وتىرىپ, ٷيقاماق تٷرٸندەگٸ بۇلتارتپاۋ شاراسىن تاڭداۋ قاجەت ەكەنٸ تۋرالى قورىتىندىعا كەلگەن ەدٸ.
