Foto: ashyq derekkóz
Jambyl oblysynda ornalasqan "Ejelgi Taraz eskertkishteri" tarihi-mádeni qoryq-mýzeii bes kásipkerge qarsy sotta jeńiske jetti, dep habarlaidy Ult.kz.
Daýly másele mýzei aýmaǵyndaǵy ǵimarattardy zańsyz paidalaný jáne kommertsiialyq maqsatta qoldaný jaily boldy. Mýzei ieliginde erekshe qorǵalatyn tabiǵi aýmaq sanatyna jatatyn 2 gektar jer ýchaskesi bar. Bul jerde "Aisha-Bibi" kesenesi ornalasqan. Atalǵan aýmaqta birneshe tehnikalyq bólmeler salynǵan, biraq kásipkerler olardy zańsyz iemdenip, kommertsiialyq qyzmetpen ainalysqan. Mýzei-qoryq kásipkerlerden ǵimarattardy bosatýdy talap etti, sebebi olardyń bul aýmaqty kásipkerlik maqsatta paidalanýǵa ruqsat qujattary joq.
Jambyl aýdandyq soty kásipkerlerdiń ǵimarattardy zańsyz iemdengenin anyqtap, mýzei talaptaryn qanaǵattandyrdy.
Sot sheshimi boiynsha kásipkerler ǵimarattardy bosatýǵa mindetteldi. Jaýapkerler apelliatsiialyq shaǵym túsirgenimen, Jambyl oblystyq soty birinshi satydaǵy sottyń sheshimin ózgerissiz qaldyrdy.
Sot sheshimi zańdy kúshine endi, al kásipkerler mýzei-qoryqtyń aýmaǵynan shyǵýǵa mindetti boldy.
