Kómir qoryn óndirý jáne temirjol vagondaryna tieý túrindegi qyzmetterdi paidalanǵan «ArselorMittal Temirtaý» kompaniiasy firmaǵa 36 millionnan astam aqshasyn tólemegen.
Osyǵan orai sot qala túzýshi kásiporynnyń kelisimsharttaryn oryndaýyn talap etti, dep habarlaidy Ult.kz tilshisi QazAqparat agenttigine silteme jasap.
Sot barysynda «ArselorMittal Temirtaý» kompaniiasynyń tapsyrysymen «PromTehnologiia» firmasy ken arshý jumystaryn júrgizip, kómir qoryn óndirgendigi anyqtaldy. Sonymen qatar, kómirdi temirjol vagondaryna tiegen.
Bul jumystar kelisimshartta kórsetilgen. Alaida, «ArselorMittal» AQ óz mindetterin oryndamai, tiisti aqshany tólegen joq. Osyǵan bailanysty firma ony sotqa berip otyr.
«Kompaniia kelisimsharttaryn buzǵandyqtan, sot firma talaptaryn tolyqtai qanaǵattandyrdy. «ArselorMittal Temirtaý» AQ-yna 36 million 777 myń 327 teńge kólemindegi qaryzyn óndirý úkimin shyǵardy», dep habarlady Qaraǵandy oblysy mamandandyrylǵan aýdanaralyq ekonomikalyq soty.
