كٶمٸر قورىن ٶندٸرۋ جەنە تەمٸرجول ۆاگوندارىنا تيەۋ تٷرٸندەگٸ قىزمەتتەردٸ پايدالانعان «ارسەلورميتتال تەمٸرتاۋ» كومپانيياسى فيرماعا 36 ميلليوننان استام اقشاسىن تٶلەمەگەن.
وسىعان وراي سوت قالا تٷزۋشٸ كەسٸپورىننىڭ كەلٸسٸمشارتتارىن ورىنداۋىن تالاپ ەتتٸ, دەپ حابارلايدى ۇلت.كز تٸلشٸسٸ قازاقپارات اگەنتتٸگٸنە سٸلتەمە جاساپ.
سوت بارىسىندا «ارسەلورميتتال تەمٸرتاۋ» كومپانيياسىنىڭ تاپسىرىسىمەن «پرومتەحنولوگييا» فيرماسى كەن ارشۋ جۇمىستارىن جٷرگٸزٸپ, كٶمٸر قورىن ٶندٸرگەندٸگٸ انىقتالدى. سونىمەن قاتار, كٶمٸردٸ تەمٸرجول ۆاگوندارىنا تيەگەن.
بۇل جۇمىستار كەلٸسٸمشارتتا كٶرسەتٸلگەن. الايدا, «ارسەلورميتتال» اق ٶز مٸندەتتەرٸن ورىنداماي, تيٸستٸ اقشانى تٶلەگەن جوق. وسىعان بايلانىستى فيرما ونى سوتقا بەرٸپ وتىر.
«كومپانييا كەلٸسٸمشارتتارىن بۇزعاندىقتان, سوت فيرما تالاپتارىن تولىقتاي قاناعاتتاندىردى. «ارسەلورميتتال تەمٸرتاۋ» اق-ىنا 36 ميلليون 777 مىڭ 327 تەڭگە كٶلەمٸندەگٸ قارىزىن ٶندٸرۋ ٷكٸمٸن شىعاردى», دەپ حابارلادى قاراعاندى وبلىسى مامانداندىرىلعان اۋدانارالىق ەكونوميكالىق سوتى.
