Sońǵy jyldary qaýipti óndiristik nysandarda apat jiilep barady. Bul týraly Úkimet otyrysynda QR Tótenshe jaǵdailar ministri Iýrii Ilin aitty, dep habarlaidy "Ult aqparat".
«Sońǵy jyldary qaýipti óndiristik nysandarda apat ósiminiń ortasha eseppen 15 paiyzǵa artýy baiqalady. Júrgizilgen saraptama qaýiptiń óndiristegi tehnogendik apattan týyndaýynyń áli de joǵary deńgeide ekendigin kórsetip otyr. Biyl elimizdiń qaýipti óndiristik nysandarynda 11 apat jáne 146 oqiǵa tirkeldi. Apat saldarynan 5 adam zardap shekken», - dedi ministr.
Onyń dereginshe, qaýipti óndiristik nysandardaǵy apat negizinen óndiristik qaýipsizdik talaptarynyń buzylýyna jol berýden, qoldanystaǵy qural-jabdyqtardyń tozýynan, jumysshylardyń óndiristik jáne eńbek tártibiniń tómendiginen oryn alady.
