Biylǵy 18 qyrkúiekten 12 qazanǵa deiin 5 224 nysanda karantin talaby buzyldy. Bul týraly QR Densaýlyq saqtaý vitse-ministri – QR Bas memlekettik sanitar dárigeri Erlan Qiiasov málim etti, dep habarlaidy "Ult aqparat".
«Mobildi monitoring toby karantin sharalarynyń saqtalýyn reidtik tekserý arqyly jalǵastyrýda. Karantin rejimi jeńildegen sátten bastap, iaǵni 18 qyrkúiekten 12 qazanǵa deiin 26 759 nysan tekserilip, 5 224 nysanda talap buzylǵany anyqtaldy», - dedi E. Qiiasov Ortalyq kommýnikatsiialar qyzmetinde.
Onyń sózine qaraǵanda, sońǵy úsh aptada Nur-Sultan qalasynda ereje jii buzylǵan, tekserilgen obektilerdiń 62 paiyzy sanitarlyq-epidemiiaǵa jáne sanitarlyq -profilaktikalyq sharalar men karantin rejimi talaptaryn saqtamai jumys istegen. Almaty qalasynda baqylaýmen qamtylǵan nysandardyń 52 paiyzynda ereje buzý jaǵdaiy anyqtaldy. Soltústik Qazaqstan men Almaty oblystarynda bul kórsetkish sáikesinshe 40 jáne 39 paiyzdy qurady.
