Foto: IA «NewTimes.kz»
Ulttyq bank tóraǵasynyń orynbasary Áliia Moldabekova sońǵy jyldary Ulttyq qor aktivteriniń nege azaiǵanyn túsindirdi, dep habarlaidy Sputnik Qazaqstan.
Onyń aitýynsha, 2014 jyly Ulttyq qordyń eń joǵary naryqtyq qunyna qol jetkizildi. Ol kezde qordyń valiýtalyq bóligi 73 milliard dollardy quraǵan.
"Ulttyq qor aktivteriniń tómendeýi, negizinen, 2020 jyly pandemiia jáne 2021 jyly pandemiiadan keiingi qalpyna keltirý kezinde qomaqty qarajattyń alynýymen bailanysty", - dedi Moldabekova Senatta ótken otyrysta.
Aitýynsha, shyǵyndar men kiristerdi eseptegende, qordyń aktivteri 15 milliard dollarǵa azaiǵan.
"Sońǵy on jyl ishinde Ulttyq qordan alynǵan qarajat somasy 23 millard dollardy, al investitsiialyq kiris 8 milliard dollardy qurady. Sonda 10 jylda qor aktivteri 15 milliard dollarǵa azaiyp otyr", - dedi Ulttyq bank tóraǵasynyń orynbasary.
