Álen Rahmetaliev túsirgen «Sońǵy muǵalim» qysqametrajdy filmi Erevanda ótken halyqaralyq qysqametrajdy filmderge arnalǵan festivalde arnaiy júldege ie boldy, dep habarlaidy "Ult aqparat".
Kinotýyndyny QR Mádeniet jáne sport ministrligi tapsyrysy boiynsha Sh.Aimanov atyndaǵy «Qazaqfilm» kinostýdiiasy túsirgen. Filmde himiia pániniń muǵalimi Erjan Qaidarulynyń ómiri baiandalady. Onyń sabaqtarynda oqýshylar únemi shýlap otyrady. Bir kúni joǵarǵy synyp oqýshylarynan jábir kórgen ulyn qorǵamaq bolǵan ustaz olarmen kúrespek bolady.
«Filmniń osyndai jetistikteri árine qýantady. Men bul festivalge bara almadym. Alaida osy baiqaýǵa meniń kýrstasym, dosym Darhan Tólegenov qatysty. Onyń «Anna» atty filmi de negizgi baǵdarlamada kórsetilgen bolatyn. Darhannyń aitýyna qaraǵanda, otandyq filmder kórermender men festival qonaqtarynyń kóńilderinen shyqty. Bul qazaq kino óneriniń damýynyń birden bir aiǵaǵy, - dedi rejisser Álen Rahmetaliev.
Yerevan International Short Film Festival festivali dostyq jáne jahandyq yntymaqtastyqty damytýdy kózdeidi. Sondai-aq festivaldiń basty maqsaty - álemniń úzdik qysqametrajdy filmderin kórsetýge bolatyn arnaiy alań ashyp, Armeniianyń kino óndirisin damytý. Biyl festivalge qatysýǵa 65 memleketten 650 ótinimder kelip túsken eken. Aita ketsek, festivaldiń direktory atynan berilgen bul arnaiy júlde otandyq jas rejisser túsirgen Darhan Tólegenovtyń «Anna» atty filmine de buiyrdy.
Eske salsaq, atalǵan film Ystanbulda ótken Dostluk Kisa Film Festival halyqaralyq kinofestivalinde ekinshi oryndy iemdengen edi.
