QR Densaýlyq saqtaý ministrliginiń Sanitariialyq-epidemiologiialyq baqylaý komiteti karantin kezinde sońǵy qońyraý men attestattardy tapsyrý saltanatyn ótkizý talaptaryn jariialady, dep habarlaidy "Ult aqparat".
Ministrlik aqparatyna sáikes, koronavirýs infektsiiasynyń taralýyn boldyrmaý maqsatynda qabyldanǵan shekteý sharalary (qaýip-qater aimaǵyna qaramastan) kezinde jalpy bilim beretin mektepterde sońǵy qońyraý jáne attestattardy tapsyrý saltanatyn ótkizý tek sanitarlyq-epidemiologiialyq talaptar qatań saqtalǵan jaǵdaida ǵana ruqsat etiledi.
Osy rette 9, 11-inshi (12) synyp túlekteriniń mekteppen qoshtasý saltanattary (sońǵy qońyraý, attestattardy tapsyrý) tek ashyq alańda (taza aýada) ótkiziletin bolady. Budan basqa eshqandai sharalardyń ótkizilýine ruqsat berilmeidi.
Saltanatty shara bastalmas buryn mektep alańyn tazalap, qoqystyń ýaqytyly shyǵarylýyn qamtamasyz etý qajet.
Sharaǵa mektep túlekterinen basqa olardyń ata-analarynyń nemese qamqorshylarynyń (ár túlektiń) bir ókili, sondai-aq mektep oqytýshylary quramynan artyq degende 6 adam qatysa alady.
Karantindegi azamattardyń (KVI-ǵa shaldyqqan naýqaspen jaqyn bailanystaǵy adam, KVI-ǵa shaldyqqan naýqas) atalmysh sharaǵa qatysýyna tyiym salynady.
Sonymen qatar, mektep aýmaǵynda adamdardyń, qonaqtardyń (ata-analar, jaqyn týystar, qamqorshylar jáne t.b) jinalýyna jol berilmeidi.
Saltanatty sharanyń kezeń-kezeńimen ótkiziletindigin atap ótý kerek. Dálirek aitqanda, mektep aýmaǵyndaǵy shara tek bir synyp túlekteri úshin ótkiziledi. Sharanyń uzaqtyǵy 45 minýttan aspaýy tiis. Ár synyp úshin ótkiziletin saltanatty sharalardyń aralyǵy 30 minýttan kem bolmaýy kerek.
Sońǵy qońyraý, attestattardy tapsyrý kezinde qol alysýǵa tyiym salynady. Sharaǵa qatysýshylar betperdeni kiip, 2 metrlik áleýmettik qashyqtyqty saqtaýǵa mindetti.
Saltanatty sharalarǵa qatysatyn pedagogikalyq ujym, oqýshylar jeke antiseptikalyq quraldaryn qoldanǵany jón.
Sońǵy qońyraý, attestattardy tapsyrý saltanaty aiaqtalǵan soń kóshede, qoǵamdyq tamaqtaný oryndarynda (meiramhana, dámhana jáne t.b.) buqaralyq sharalardy ótkizýge tyiym salynady.
Budan bólek, sońǵy qońyraý, attestattardy tapsyrý saltanaty aiaqtalǵan soń dezinfektsiialyq quraldardy qoldana otyryp, mektep ǵimarattarynda ylǵaldy tazalaý sharalaryn júrgizý qajet.
Bilim berý nysandarynda QR Densaýlyq saqtaý ministriniń 2017 jylǵy 16 tamyzdaǵy № 611 buiryǵymen bekitilgen «Bilim berý nysandaryna qatysty sanitarlyq-epidemiologiialyq talaptar» sanitarlyq erejelerdiń 10-bólimi talaptarynyń jáne QR Bas memlekettik-sanitarlyq dárigeri Qaýlylarynyń saqtalýyn qamtamasyz etý qajet. Sonyń ishinde:
- bilim berý nysanynyń ǵimarattaryna ata-analardyń (zańdy ókilderiniń) jáne basqa da kelýshilerdiń kirýin shekteý;
- mekteptiń 1-shi qabatynda qoldy zararsyzdandyrýǵa arnalǵan sanitaizerlerdi ornatý;
- sý ishý rejimin saqtaý (bir rettik staqandar, jeke qutylar);
- santoraptarda dezinfektsiialyq rejimdi kúsheitilgen túrde qamtamasyz etý;
- santoraptardy suiyq sabynmen, qoldy zararsyzdandyrýǵa arnalǵan dezinfektsiialyq quraldarmen, elektr oramaldarmen úzdiksiz qamtamasyz etý.
Oqýshylardyń, qyzmetkerlerdiń densaýlyǵy, koronavirýs infektsiiasynyń taralýyna bilim berý nysanynyń basshysy jaýap beredi.
