قر دەنساۋلىق ساقتاۋ مينيسترلٸگٸنٸڭ سانيتارييالىق-ەپيدەميولوگييالىق باقىلاۋ كوميتەتٸ كارانتين كەزٸندە سوڭعى قوڭىراۋ مەن اتتەستاتتاردى تاپسىرۋ سالتاناتىن ٶتكٸزۋ تالاپتارىن جارييالادى, دەپ حابارلايدى "ۇلت اقپارات".
مينيسترلٸك اقپاراتىنا سەيكەس, كوروناۆيرۋس ينفەكتسيياسىنىڭ تارالۋىن بولدىرماۋ ماقساتىندا قابىلدانعان شەكتەۋ شارالارى (قاۋٸپ-قاتەر ايماعىنا قاراماستان) كەزٸندە جالپى بٸلٸم بەرەتٸن مەكتەپتەردە سوڭعى قوڭىراۋ جەنە اتتەستاتتاردى تاپسىرۋ سالتاناتىن ٶتكٸزۋ تەك سانيتارلىق-ەپيدەميولوگييالىق تالاپتار قاتاڭ ساقتالعان جاعدايدا عانا رۇقسات ەتٸلەدٸ.
وسى رەتتە 9, 11-ٸنشٸ (12) سىنىپ تٷلەكتەرٸنٸڭ مەكتەپپەن قوشتاسۋ سالتاناتتارى (سوڭعى قوڭىراۋ, اتتەستاتتاردى تاپسىرۋ) تەك اشىق الاڭدا (تازا اۋادا) ٶتكٸزٸلەتٸن بولادى. بۇدان باسقا ەشقانداي شارالاردىڭ ٶتكٸزٸلۋٸنە رۇقسات بەرٸلمەيدٸ.
سالتاناتتى شارا باستالماس بۇرىن مەكتەپ الاڭىن تازالاپ, قوقىستىڭ ۋاقىتىلى شىعارىلۋىن قامتاماسىز ەتۋ قاجەت.
شاراعا مەكتەپ تٷلەكتەرٸنەن باسقا ولاردىڭ اتا-انالارىنىڭ نەمەسە قامقورشىلارىنىڭ (ەر تٷلەكتٸڭ) بٸر ٶكٸلٸ, سونداي-اق مەكتەپ وقىتۋشىلارى قۇرامىنان ارتىق دەگەندە 6 ادام قاتىسا الادى.
كارانتيندەگٸ ازاماتتاردىڭ (كۆي-عا شالدىققان ناۋقاسپەن جاقىن بايلانىستاعى ادام, كۆي-عا شالدىققان ناۋقاس) اتالمىش شاراعا قاتىسۋىنا تىيىم سالىنادى.
سونىمەن قاتار, مەكتەپ اۋماعىندا ادامداردىڭ, قوناقتاردىڭ (اتا-انالار, جاقىن تۋىستار, قامقورشىلار جەنە ت.ب) جينالۋىنا جول بەرٸلمەيدٸ.
سالتاناتتى شارانىڭ كەزەڭ-كەزەڭٸمەن ٶتكٸزٸلەتٸندٸگٸن اتاپ ٶتۋ كەرەك. دەلٸرەك ايتقاندا, مەكتەپ اۋماعىنداعى شارا تەك بٸر سىنىپ تٷلەكتەرٸ ٷشٸن ٶتكٸزٸلەدٸ. شارانىڭ ۇزاقتىعى 45 مينۋتتان اسپاۋى تيٸس. ەر سىنىپ ٷشٸن ٶتكٸزٸلەتٸن سالتاناتتى شارالاردىڭ ارالىعى 30 مينۋتتان كەم بولماۋى كەرەك.
سوڭعى قوڭىراۋ, اتتەستاتتاردى تاپسىرۋ كەزٸندە قول الىسۋعا تىيىم سالىنادى. شاراعا قاتىسۋشىلار بەتپەردەنٸ كيٸپ, 2 مەترلٸك ەلەۋمەتتٸك قاشىقتىقتى ساقتاۋعا مٸندەتتٸ.
سالتاناتتى شارالارعا قاتىساتىن پەداگوگيكالىق ۇجىم, وقۋشىلار جەكە انتيسەپتيكالىق قۇرالدارىن قولدانعانى جٶن.
سوڭعى قوڭىراۋ, اتتەستاتتاردى تاپسىرۋ سالتاناتى اياقتالعان سوڭ كٶشەدە, قوعامدىق تاماقتانۋ ورىندارىندا (مەيرامحانا, دەمحانا جەنە ت.ب.) بۇقارالىق شارالاردى ٶتكٸزۋگە تىيىم سالىنادى.
بۇدان بٶلەك, سوڭعى قوڭىراۋ, اتتەستاتتاردى تاپسىرۋ سالتاناتى اياقتالعان سوڭ دەزينفەكتسييالىق قۇرالداردى قولدانا وتىرىپ, مەكتەپ عيماراتتارىندا ىلعالدى تازالاۋ شارالارىن جٷرگٸزۋ قاجەت.
بٸلٸم بەرۋ نىساندارىندا قر دەنساۋلىق ساقتاۋ مينيسترٸنٸڭ 2017 جىلعى 16 تامىزداعى № 611 بۇيرىعىمەن بەكٸتٸلگەن «بٸلٸم بەرۋ نىساندارىنا قاتىستى سانيتارلىق-ەپيدەميولوگييالىق تالاپتار» سانيتارلىق ەرەجەلەردٸڭ 10-بٶلٸمٸ تالاپتارىنىڭ جەنە قر باس مەملەكەتتٸك-سانيتارلىق دەرٸگەرٸ قاۋلىلارىنىڭ ساقتالۋىن قامتاماسىز ەتۋ قاجەت. سونىڭ ٸشٸندە:
- بٸلٸم بەرۋ نىسانىنىڭ عيماراتتارىنا اتا-انالاردىڭ (زاڭدى ٶكٸلدەرٸنٸڭ) جەنە باسقا دا كەلۋشٸلەردٸڭ كٸرۋٸن شەكتەۋ;
- مەكتەپتٸڭ 1-شٸ قاباتىندا قولدى زارارسىزداندىرۋعا ارنالعان سانيتايزەرلەردٸ ورناتۋ;
- سۋ ٸشۋ رەجيمٸن ساقتاۋ (بٸر رەتتٸك ستاقاندار, جەكە قۇتىلار);
- سانتوراپتاردا دەزينفەكتسييالىق رەجيمدٸ كٷشەيتٸلگەن تٷردە قامتاماسىز ەتۋ;
- سانتوراپتاردى سۇيىق سابىنمەن, قولدى زارارسىزداندىرۋعا ارنالعان دەزينفەكتسييالىق قۇرالدارمەن, ەلەكتر ورامالدارمەن ٷزدٸكسٸز قامتاماسىز ەتۋ.
وقۋشىلاردىڭ, قىزمەتكەرلەردٸڭ دەنساۋلىعى, كوروناۆيرۋس ينفەكتسيياسىنىڭ تارالۋىنا بٸلٸم بەرۋ نىسانىنىڭ باسشىسى جاۋاپ بەرەدٸ.
