Brent markaly munaidyń baǵasy beisenbi kúni barreline 107,06 dollarǵa deiin arzandady, dep habarlaidy QazAqparat Anadoly agenttigine silteme jasap.
Sársenbi kúni bolǵan sońǵy saýdada bul munai markasynyń barreli 114,80 dollarǵa jetip, saýda 111,44 dollarmen aiaqtaldy.
31 naýryz tańǵy saǵat 09:12-degi jaǵdai boiynsha, qymbat munai markasynyń baǵasy 4 paiyzǵa arzandap, barreli 107,06 dollar bolǵan.
WTI markaly munai fiýchersteriniń quny barreline 102,58 dollar boldy.
Baǵanyń tómendeýine AQSh-tyń aldaǵy ailarda strategiialyq munai qorynyń 180 million barrelin satý jospary áser etti.
AQSh prezidenti Djo Baiden munai satý týraly 31 naýryz, beisenbi kúni málimdeidi dep habarlanǵan.
Sarapshylardyń pikirinshe, munai qorynyń kóp mólsherin satý baǵanyń ósýin belgili bir ýaqytqa deiin tiimdi túrde shekteýi múmkin.
Halyqaralyq energetikalyq agenttik juma kúni munai tasymaldaý máselesin talqylaý úshin kezekten tys ministrlik jinalysyna shaqyrdy. Osyǵan orai, jinalysta qorlardy satý týraly sheshim qabyldanýy múmkin degen úmit artty. Atalǵan jaǵdai munai baǵasynyń tómendeýine áser etip otyr.
Búgin ótetin munai eksporttaýshy elder (OPEK) ministrleriniń jáne OPEK-ke kirmeitin elderdiń 27-shi kezdesýinde top óziniń qazirgi óndiristik saiasatyn ustanady dep kútilýde.
