Foto: pixabay.com
Sońǵy tórt-bes jylda joǵary bilim berý júiesi túbegeili ózgerdi. Eń mańyzdy ózgerister birinshi kezekte professorlyq-oqytýshylyq quramnyń jumys jaǵdaiyna, akademiialyq erkindikke jáne bilim berý baǵdarlamalaryn ázirleýdegi ýniversitetterdiń derbestigine áser etedi, dep habarlaidy «Ult aqparat».
Zamanaýi bilim berýdiń aiqyndaýshy belgisi retinde oqýshyǵa baǵyttalǵan oqytý úshin qolaily jaǵdailar jasaýǵa erekshe kóńil bólinedi. Júrgizilgen reformalar jan-jaqty boldy jáne bilim berý júiesiniń sapasy men básekege qabilettiligin arttyrýǵa baǵyttalǵan. Elimizde bilim berý salasyn jańǵyrtýǵa, bilim berýdiń eńbek resýrstarynyń qajettilikterine sáikestigin arttyrýǵa, oqý men oqý úderisine tsifrlyq tehnologiialardy engizýge yqpal etýge baǵyttalǵan túrli bastamalar men baǵdarlamalar júzege asyrylýda.
2020 jyly koronavirýstyq shekteýlerge bailanysty bilim berý júiesi birqatar obektivti sebepterge bailanysty qiyndyqtarǵa tap boldy: shalǵai eldi mekenderdegi internettiń qoljetimsizdigi jáne tehnikalyq aqaýlar oqý úderisine aitarlyqtai kedergi keltirdi. Oqý úderisteriniń kópshiligi qashyqtan júrgizildi. Osy buryn-sońdy bolmaǵan synaqqa jaýap retinde birqatar normativtik quqyqtyq aktiler jańartyldy. Bilim berý uiymdarynyń qyzmetiniń jańa biliktilik talaptary men úlgilik erejeleri qabyldandy. Tehnologiialyq jabdyqtarǵa qoiylatyn joǵary talaptar, kásipterdiń jańa atlasy men bolashaq túlekterdiń quzyrettilik úlgileri Bilim berýdi damytýdyń 2020-2025 jyldarǵa arnalǵan baǵdarlamasynda da kórinis tapqan.
Bilim berý derekterin tsifrlandyrý bastamasy búkil bilim berý júiesi úshin ortaq aqparattyq óristi – ulttyq bilim berý derekter bazasyn qurýǵa túrtki boldy, sonyń arqasynda bilim berý mekemeleri oǵan engizilgen aqparat úshin tolyq jaýap beredi. Bul bilim berýdiń biryńǵai derekter bazasy jáne analitikalyq júiesi retinde júzege asyryldy. Bul aqparattyq júie kontingent, oqytýshylar men basqa da personal sany, barlyq deńgeidegi oqý oryndarynyń tehnikalyq jaraqtandyrylýy týraly aqparatty qamtidy, bul tiisti ministrlikter men qadaǵalaý organdaryna bilim berý salasyndaǵy negizgi kórsetkishterge ýaqtyly monitoring júrgizýge múmkindik beredi.
Sońǵy jyldary bilim berýde júrgizilgen iri reformalardyń biri – bilim berý úderisine engizilgen tsifrlyq tehnologiialardy paidalanýdy arttyrýǵa baǵyttalǵan bastamalar.
