«Astana-Teplotranzit» AQ Basqarma tóraǵasy Vasilii Kýrisko sońǵy bes jylda elordada jylý tarifi qanshaǵa óskenin málim etti, dep habarlaidy QazAqparat.
«Jylýmen jabdyqtaý jelisiniń tozýy búginde – 56%. Ázirge keshiktirilgen jóndeý jumystary joq. Endi biz 2021-2025 jyldarǵa arnalǵan tarifti qorǵaimyz. Eger biz málimdegen tarif berilse, onda jelini jóndeýde kidiristerge jol bermeimiz. Eger olai etpese, onda ózderińiz bilesizder, qarjy quiylmasa qiyndyqtar týyndaýy múmkin», - deidi Vasilii Kýrisko Májilis depýtattarymen kezdesý barysynda.
Kásiporyn basshysy elordada sońǵy bes jyl ishinde jylý tarifteri qanshaǵa kóterilgeni týraly da aitty.
«Tarif dinamikasyna keler bolsaq, eger qoldanystaǵy tarif bolsa - biz ony 2020 jyldy qosyp qorǵap qoidyq. Ósim bar, sońǵy bes jylda bizge: birinshi jyly 7%, ekinshi jyly 6,6% jáne sońǵy eki jylda 5,5%-dan ósirýge ruqsat etildi», - deidi ol.
Sondai-aq, ol kásiporyndaǵy jumysshylardyń jalaqysy ortasha eseppen 200 myń teńge ekenin aitty.
