«استانا-تەپلوترانزيت» اق باسقارما تٶراعاسى ۆاسيليي كۋريسكو سوڭعى بەس جىلدا ەلوردادا جىلۋ تاريفٸ قانشاعا ٶسكەنٸن مەلٸم ەتتٸ, دەپ حابارلايدى قازاقپارات.
«جىلۋمەن جابدىقتاۋ جەلٸسٸنٸڭ توزۋى بٷگٸندە – 56%. ەزٸرگە كەشٸكتٸرٸلگەن جٶندەۋ جۇمىستارى جوق. ەندٸ بٸز 2021-2025 جىلدارعا ارنالعان تاريفتٸ قورعايمىز. ەگەر بٸز مەلٸمدەگەن تاريف بەرٸلسە, وندا جەلٸنٸ جٶندەۋدە كٸدٸرٸستەرگە جول بەرمەيمٸز. ەگەر ولاي ەتپەسە, وندا ٶزدەرٸڭٸز بٸلەسٸزدەر, قارجى قۇيىلماسا قيىندىقتار تۋىنداۋى مٷمكٸن», - دەيدٸ ۆاسيليي كۋريسكو مەجٸلٸس دەپۋتاتتارىمەن كەزدەسۋ بارىسىندا.
كەسٸپورىن باسشىسى ەلوردادا سوڭعى بەس جىل ٸشٸندە جىلۋ تاريفتەرٸ قانشاعا كٶتەرٸلگەنٸ تۋرالى دا ايتتى.
«تاريف ديناميكاسىنا كەلەر بولساق, ەگەر قولدانىستاعى تاريف بولسا - بٸز ونى 2020 جىلدى قوسىپ قورعاپ قويدىق. ٶسٸم بار, سوڭعى بەس جىلدا بٸزگە: بٸرٸنشٸ جىلى 7%, ەكٸنشٸ جىلى 6,6% جەنە سوڭعى ەكٸ جىلدا 5,5%-دان ٶسٸرۋگە رۇقسات ەتٸلدٸ», - دەيدٸ ول.
سونداي-اق, ول كەسٸپورىنداعى جۇمىسشىلاردىڭ جالاقىسى ورتاشا ەسەپپەن 200 مىڭ تەڭگە ەكەنٸن ايتتى.
