Foto: ashyq derekkóz
Sońǵy kúnderi eldi eseńgiretken birqatar iri jol apattaryna bailanysty Ishki ister ministrligi jol qozǵalysyna qatysýshylarǵa arnaiy úndeý jasady, dep habarlaidy Ult.kz.
11 qyrkúiekte Mańǵystaý oblysynda shaǵyn avtobýstyń aýdarylýy saldarynan 10 adam kóz jumdy.
14 qyrkúiekte Jetisý oblysynda úsh kóliktiń soqtyǵysýy taǵy 10 adamnyń ómirin qidy — apattyń sebebi qarsy baǵytqa shyǵý bolǵan.
Qaraǵandy oblysynda da dál osyndai sebeppen jol-kólik oqiǵasy bolyp, 5 adam qaza tapty.
IIM Ákimshilik politsiia komiteti tóraǵasynyń orynbasary Ǵalym Sarǵulov bul oqiǵalardyń tek jol apaty emes, orny tolmas adam shyǵyny ekenin atap ótti:
— Barsha jol qozǵalysyna qatysýshylarǵa úndeý joldaimyz: jol qatelikti keshirmeidi! Jyldamdyqty arttyrý. Qarsy baǵytqa shyǵý. Qaýipti manevr jasaý. Qaýipsizdik beldigin taqpaý. Munyń bári adam ómirine qaýip tóndiretin qatelikter. Qaza bolǵandardyń otbasylaryna qaiǵyryp kóńil aitamyz. Bul jai ǵana jol apattary emes. Bul orny tolmas adam shyǵyny, — dedi Ǵalym Sarǵulov.
Atalǵan oqiǵalar boiynsha qylmystyq ister qozǵaldy. IIM tergeý jumystaryn júrgizip jatyr. Ishki ister ministrligi joldaǵy baqylaýdy kúsheitýde. Aýqymdy tekserister, reidter, qalaaralyq baǵyttar men jeke tasymaldaýshylarǵa monitoring júrgiziledi. Kóliktiń tehnikalyq jaǵdaiyna jáne júrgizýshilerdiń jaýapkershiligine erekshe nazar aýdarylady.
Politsiia joldaǵy qaýipsizdik tek politsiianyń jumysy emes. Bul — árbir azamattyń jeke tártibi men jaýapkershiligi ekenin eske saldy.
