فوتو: اشىق دەرەككٶز
سوڭعى كٷندەرٸ ەلدٸ ەسەڭگٸرەتكەن بٸرقاتار ٸرٸ جول اپاتتارىنا بايلانىستى ٸشكٸ ٸستەر مينيسترلٸگٸ جول قوزعالىسىنا قاتىسۋشىلارعا ارنايى ٷندەۋ جاسادى, دەپ حابارلايدى Ult.kz.
11 قىركٷيەكتە ماڭعىستاۋ وبلىسىندا شاعىن اۆتوبۋستىڭ اۋدارىلۋى سالدارىنان 10 ادام كٶز جۇمدى.
14 قىركٷيەكتە جەتٸسۋ وبلىسىندا ٷش كٶلٸكتٸڭ سوقتىعىسۋى تاعى 10 ادامنىڭ ٶمٸرٸن قيدى — اپاتتىڭ سەبەبٸ قارسى باعىتقا شىعۋ بولعان.
قاراعاندى وبلىسىندا دا دەل وسىنداي سەبەپپەن جول-كٶلٸك وقيعاسى بولىپ, 5 ادام قازا تاپتى.
ٸٸم ەكٸمشٸلٸك پوليتسييا كوميتەتٸ تٶراعاسىنىڭ ورىنباسارى عالىم سارعۇلوۆ بۇل وقيعالاردىڭ تەك جول اپاتى ەمەس, ورنى تولماس ادام شىعىنى ەكەنٸن اتاپ ٶتتٸ:
— بارشا جول قوزعالىسىنا قاتىسۋشىلارعا ٷندەۋ جولدايمىز: جول قاتەلٸكتٸ كەشٸرمەيدٸ! جىلدامدىقتى ارتتىرۋ. قارسى باعىتقا شىعۋ. قاۋٸپتٸ مانەۆر جاساۋ. قاۋٸپسٸزدٸك بەلدٸگٸن تاقپاۋ. مۇنىڭ بەرٸ ادام ٶمٸرٸنە قاۋٸپ تٶندٸرەتٸن قاتەلٸكتەر. قازا بولعانداردىڭ وتباسىلارىنا قايعىرىپ كٶڭٸل ايتامىز. بۇل جاي عانا جول اپاتتارى ەمەس. بۇل ورنى تولماس ادام شىعىنى, — دەدٸ عالىم سارعۇلوۆ.
اتالعان وقيعالار بويىنشا قىلمىستىق ٸستەر قوزعالدى. ٸٸم تەرگەۋ جۇمىستارىن جٷرگٸزٸپ جاتىر. ٸشكٸ ٸستەر مينيسترلٸگٸ جولداعى باقىلاۋدى كٷشەيتۋدە. اۋقىمدى تەكسەرٸستەر, رەيدتەر, قالاارالىق باعىتتار مەن جەكە تاسىمالداۋشىلارعا مونيتورينگ جٷرگٸزٸلەدٸ. كٶلٸكتٸڭ تەحنيكالىق جاعدايىنا جەنە جٷرگٸزۋشٸلەردٸڭ جاۋاپكەرشٸلٸگٸنە ەرەكشە نازار اۋدارىلادى.
پوليتسييا جولداعى قاۋٸپسٸزدٸك تەك پوليتسييانىڭ جۇمىسى ەمەس. بۇل — ەربٸر ازاماتتىڭ جەكە تەرتٸبٸ مەن جاۋاپكەرشٸلٸگٸ ەكەنٸن ەسكە سالدى.
