WBO nusqasy boiynsha orta salmaqtaǵy álem chempiony britandyq Billi Djo Sonders Gennadii Golovkinmen bolatyn aiqastan túsken qarjysyn ne isteitinin aitty jáne qazaqstandyqqa sálem joldady, dep habarlaidy Sports.kz ESPN-ge silteme jasap.
«Menedjerimniń kelissózder týraly aitqany meniń kóńilimnen shyqty. Men bul aiqastyń aqsha úshin emes, synaq úshin bolǵanyn qalaimyn. Osy aiqastan tapqan árbir penniimdi ákeme beremin. Ózim bir tiyn da alǵym kelmeidi. Men ringke shyǵyp, álemniń qatelesip jatqandyǵyn jáne ózimniń qaýqarymdy dáleldegim keledi jáne bul úshin Golovkinniń mańynan jaqsy oryn joq. Bul meniń tula boiymdaǵy alaý otyn odan ári tutandyrady. Keshe Djeikobspen bolǵan aiqasty kórdim. Men Golovkindi renjitip, jeńiske jetemin dep oilaimyn. GGG-di jeńýdiń jolyn bilemin, sondyqtan aiqasty sońyna deiin kórgen joqpyn», - dep atap ótti Sonders.
«Golovkinge qarsy turý úshin aqyldy bolý kerek. Ol men sekildi sheber boksshymen judyryqtaspaǵanyna senimdimin, - dedi Sonders.
«Oǵan aitar sálemim: sen barlyq belbeýdi qalaitynyńdy aita berýiń múmkin. Alaida, endi ne áreket etetin ýaqyt keldi. Sen menimen maýsymda jekpe-jekke shyǵatynyń nemese shyqpaitynyń týraly naqty sheshim qabyldaýyń kerek. Meniń esimimdi atap ótipsiń, sondyqtan men aiqasýǵa qýana kelisim beremin. Ýaqyt joǵaltpai, iske kiriseiik!».
