"Qazgidromet" RMK 23-25 tamyzdaǵy aýa raiy boljamyn usyndy, - dep habarlaidy "Ult aqparat".
Sinoptikter boljamyna sáikes, Qazaqstannyń basym bóligi antitsiklon yqpalynda bolady, bul soltústik óńirlerde kúnniń jylynýyna áser etedi.
"Eldiń soltústiginde, shyǵysynda jáne ońtústik-shyǵysynda aýa raiy jaǵdaiynyń qalyptasýyna atmosferalyq front áser etedi. Kún kúrkirep, jel kúsheiedi. Respýblikanyń soltústiginde, shyǵysynda jáne ortalyǵynda túngi ýaqytta topyraq betinde 2 gradýs úsik júrip jáne tuman túsedi", - delingen habarlamada.
Aýa temperatýrasy:
- kúndiz batysta +30+35 gradýs,
- soltústik-batysta +23+33 gradýs,
- respýblikanyń soltústiginde aýa temperatýrasy +17+25 gradýstan +23+30 gradýsqa deiin,
- ortalyqta +15+22 gradýstan +20+31 gradýsqa deiin,
- shyǵysynda +13+21 gradýsten +20 +28 gradýsqa deiin kóteriledi,
- eldiń ońtústiginde aýa temperatýrasynyń negizgi aiasy +27+32 gradýs,
- ońtústik-shyǵysynda +20+28 gradýs.
