Qazgidromet mamandary 10, 11 jáne 12 naýryzǵa arnalǵan aýa raiy boljamyn usyndy, - dep habarlaidy "Ult aqparat".
Boljam boiynsha, Qazaqstan aýmaǵynyń soltústik jartysy antitsiklon yqpalynda qalady, aýa raiy negizinen jaýyn-shashynsyz, aýa temperatýrasy óte tómen bolady.
"Túnde bul aimaqtardaǵy termometr baǵandary 17...28 gradýs aiazǵa deiin tómendeidi. Elimizdiń batysy men ońtústiginde, ońtústik tsiklon áserinen jaýyn-shashyn kútiledi, respýblikanyń batys aimaqtarynda kóbinese qar jaýady, ol boranǵa ulasady, eldiń ońtústiginde negizinen jańbyr, al taýly, taý bókterindegi aýdandarda qatty jaýyn-shashyn, tuman, kóktaiǵaq bolady. Sondai-aq, frontal bólikterdiń Qazaqstan aýmaǵy arqyly ótýine bailanysty jel ekipini 23-28 m/s deiin kúsheiedi", - delingen habarlamada.
