Soltústik Koreia saǵatyn 30 minýt alǵa jyljytady. Osylaisha, Pehenian ýaqyty Seýl ýaqytyna aýysady, - dep habarlaidy Tengrinews.kz Koreianyń ortalyq telegraf agenttigine (KOTA) silteme jasap.
"KHDR Joǵarǵy Halyq Keńesi Prezidiýymynyń jarlyǵy boiynsha, Phenian ýaqyty 5 mamyrdan bastap resmi ózgerdi", - delingen habarlamada. KOTA-nyń habarlaýynsha, bul alǵashqy praktikalyq shara "ulttyń tatýlasýy men birigýine, Ońtústik pen Soltústiktiń kelisimge kelýine qol jetkizý úshin" jasaldy.
Munyń aldynda eki el shekarasyndaǵy kóp jyldar aýdioúgit júrgizilip kelgen daýys kúsheitkishteri alyp tastalatynyn habarlanǵan edi.
Soltústik Koreianyń basshysy Kim Chen Yn jáne onyń ońtústiktegi áriptesi Mýn Chje In 27 sáýirde "Beibitshilik úiinde" úshinshi koreiaralyq sammitin ótkizgen bolatyn. Eki el basshylary ortaq deklaratsiiaǵa qol qoiyp, korei túbeginiń tolyq denýklearizatsiiasyna betteýge kelisti.
Jyl basynan beri eki el arasyndaǵy qatynas aitarlyqtai jaqsara tústi. Aqpanda ótken Phenchhan Olimpiadasynda eki el ókilderi bir týdy ustap ótken. Sonymen qatar, áielder arasynda hokeiden ortaq komanda quralǵan bolatyn.
