Soltústik Koreia Korei halyq armiiasynyń strategiialyq áskeri (KHA) kúnin atap ótip, zymyrandarymen jer betiniń kez kelgen núktesine soqqy jasai alatynyn eskertti, - dep habarlaidy RIA Novosti. Bul týraly kaz.tengrinews.kz jazdy.
Eldiń ortalyq partiia gazeti "Nodon sinmýn" osyǵan bailanysty Phenianda ótken sherýdegi soltústikkoreialyq zymyrandardyń túrli-tústi sýreti bar maqala jariialady. "KHA strategiialyq áskeri qalaǵan ýaqytynda jer betiniń kez kelgen núktesine soqqy jasai alady", - dep jazady gazet.
Basylymnyń málimetinshe, ushyrylǵan júz zymyrannyń júzi de sátti bolady, sebebi "jyldam ushyrý mobil qondyrmalarynyń arqasynda bul zymyrandardy anyqtaý qiyn". Koreianyń Eńbek partiiasynyń OK baspasóz organy osyǵan bailanysty sátti synaqtar júrgizilgenin, naqty aitqanda "Hvason-12" joǵary orta qashyqtyqtaǵy jańa jáne "Pýkkykson-2" orta radiýstaǵy ballistikalyq zymyrandardyń, sonymen qatar "jer-keme" klasyndaǵy qanatty ushaqtarynyń synaqtan sátti ótkenin eske salyp otyr.
Sondai-aq, gazet AQSh-tyń áskeri bazalaryna soqqy jasaý týraly ótken jylǵydai tikelei qater jaily jazbapty.
Soltústik Koreia BUU ÓQ sanktsiialaryna qaramastan Qurama Shtattardyń tarapynan áskeri qater bolady degen syltaýmen iadrolyq jáne zymyran qarýlaryn jasaýmen ainalysyp jatyr. Pheniannyń áskeri belsendiligi álemde iadrolyq qarýdyń taralmaý rejimin buzady dep dabyl qaǵylyp otyrǵandyqtan, halyqaralyq qoǵamdastyq KHDR-den iadrolyq jáne zymyran qarýlanýyn toqtatýǵa bel býǵan.
