Foto: Yonhap
Soltústik Koreia Japon teńizine qarai eki ballistikalyq zymyran ushyrdy, - dep habarlaidy Tengrinews.kz tilshisi Deutsche Welle agenttigine silteme jasap.
Basylym málimetinshe, bul týraly Ońtústik Koreianyń áskerileri málimdegen. Ushyrý Phenian men Seýl áskerileri arasyndaǵy shielenistiń kúsheiýine bailanysty batys jaǵalaýda eskertý oqtary almasqannan tórt kún ótken soń jasaldy.
"Biz 1159 (0259 GMT) jáne 1218 aralyǵynda Gangvondaǵy Dýnchhon aýdanynan ushyrylǵan eki ballistikalyq zymyrandy anyqtadyq. Bizdiń áskeriler baqylaý men qadaǵalaýdy kúsheitti jáne Amerika Qurama Shtattarymen bailanysty jaqsartyp jatyr", - delingen habarlamada.
AQSh-tyń Úndi-Tynyq muhityndaǵy qolbasshylyǵy zymyran AQSh pen onyń odaqtastaryna birden qaýip tóndirmeitinin, biraq Pheniannyń zańsyz iadrolyq qarýy men ballistikalyq zymyrandarynyń turaqsyzdyǵyna nazar aýdardy.
