Zymyran synaǵy. Soltústik Koreianyń aqparat quraldary taratqan videodan skrinshot. 1 qazan 2021 jyl.
Phenian taǵy da zymyran ushyrdy. Jaqynda ǵana osyndai qarý túrin tanystyrǵan Ońtústik Koreianyń áskeri basshylary seisenbi kúni osylai dep málimdedi.
Seýldegi birikken shtab aqparatyna qaraǵanda, "qysqa qashyqtyqqa ushatyn sýasty qaiyqtarynyń ballistikalyq zymyrandary" 19 qazanda Sinpo portynyń shyǵysynan Japon teńizine qarai ushyrylǵan. Baqylaýshylar Korei túbeginde qarý-jaraq jarysy qyzǵanyn aitty.
Japoniia mamandarynyń aldyn ala málimetine sáikes, Soltústik Koreia eki ballistikalyq zymyran ushyrǵan. El biligi qyrkúiekten beri jalǵasyp kele jatqanyn synaqtardy "óte ókinishti jait" dep atady.
Japoniianyń jaǵalaý qyzmeti kemelerge qaýipsizdik jóninde nusqaýlyq jiberdi. Degenmen zymyrannyń qulaǵany jóninde aqparat joq.
AQSh Soltústik Koreiany "jaǵdaidy turaqsyzdandyratyn áreketterden aýlaq bolýǵa" shaqyrdy. Soltústik Koreia keiingi aptalarda zymyran synaǵanyn jiiletken. Keibiri halyqaralyq sanktsiia sharttaryn buzady.
Ótken aida Ońtústik Koreia da qysqa qashyqtyqqa ushatyn zymyranyn sátti túrde synaqtan ótkizgenin habarlaǵan. Ol mundai qarý túrin damytqan iadrolyq qarýy joq alǵashqy el atandy.
18 qazanda Vashingtonda AQSh pen Ońtústik Koreia ýákilderi Korei túbegin iadrolyq qarýdan aryltý máselesin talqylaǵan. Kezdesý 19 qazanda Seýlde jalǵasady dep habarlanǵan.
AQSh-tyń Soltústik Koreia boiynsha arnaiy ýákili 18 qazanda AQSh máseleni Phenianmen diplomatiialyq joldar arqyly sheshkisi keletinin, oǵan "jaýlyq nieti joǵyn" málimdegen.
Keiingi jyldary AQSh pen Soltústik Koreia arasyndaǵy iadrolyq qarýdan arylý boiynsha kelissózder nátijesiz aiaqtalǵan.
AQSh Soltústik Koreiaǵa iadrolyq qarýdan bas tartsa, sanktsiiany jumsartatynyn aitqan. Al Phenian oǵan kelispeidi.
