زىمىران سىناعى. سولتٷستٸك كورەيانىڭ اقپارات قۇرالدارى تاراتقان ۆيدەودان سكرينشوت. 1 قازان 2021 جىل.
پحەنيان تاعى دا زىمىران ۇشىردى. جاقىندا عانا وسىنداي قارۋ تٷرٸن تانىستىرعان وڭتٷستٸك كورەيانىڭ ەسكەري باسشىلارى سەيسەنبٸ كٷنٸ وسىلاي دەپ مەلٸمدەدٸ.
سەۋلدەگٸ بٸرٸككەن شتاب اقپاراتىنا قاراعاندا, "قىسقا قاشىقتىققا ۇشاتىن سۋاستى قايىقتارىنىڭ بالليستيكالىق زىمىراندارى" 19 قازاندا سينپو پورتىنىڭ شىعىسىنان جاپون تەڭٸزٸنە قاراي ۇشىرىلعان. باقىلاۋشىلار كورەي تٷبەگٸندە قارۋ-جاراق جارىسى قىزعانىن ايتتى.
جاپونييا ماماندارىنىڭ الدىن الا مەلٸمەتٸنە سەيكەس, سولتٷستٸك كورەيا ەكٸ بالليستيكالىق زىمىران ۇشىرعان. ەل بيلٸگٸ قىركٷيەكتەن بەرٸ جالعاسىپ كەلە جاتقانىن سىناقتاردى "ٶتە ٶكٸنٸشتٸ جايت" دەپ اتادى.
جاپونييانىڭ جاعالاۋ قىزمەتٸ كەمەلەرگە قاۋٸپسٸزدٸك جٶنٸندە نۇسقاۋلىق جٸبەردٸ. دەگەنمەن زىمىراننىڭ قۇلاعانى جٶنٸندە اقپارات جوق.
اقش سولتٷستٸك كورەيانى "جاعدايدى تۇراقسىزداندىراتىن ەرەكەتتەردەن اۋلاق بولۋعا" شاقىردى. سولتٷستٸك كورەيا كەيٸنگٸ اپتالاردا زىمىران سىناعانىن جيٸلەتكەن. كەيبٸرٸ حالىقارالىق سانكتسييا شارتتارىن بۇزادى.
ٶتكەن ايدا وڭتٷستٸك كورەيا دا قىسقا قاشىقتىققا ۇشاتىن زىمىرانىن سەتتٸ تٷردە سىناقتان ٶتكٸزگەنٸن حابارلاعان. ول مۇنداي قارۋ تٷرٸن دامىتقان يادرولىق قارۋى جوق العاشقى ەل اتاندى.
18 قازاندا ۆاشينگتوندا اقش پەن وڭتٷستٸك كورەيا ۋەكٸلدەرٸ كورەي تٷبەگٸن يادرولىق قارۋدان ارىلتۋ مەسەلەسٸن تالقىلاعان. كەزدەسۋ 19 قازاندا سەۋلدە جالعاسادى دەپ حابارلانعان.
اقش-تىڭ سولتٷستٸك كورەيا بويىنشا ارنايى ۋەكٸلٸ 18 قازاندا اقش مەسەلەنٸ پحەنيانمەن ديپلوماتييالىق جولدار ارقىلى شەشكٸسٸ كەلەتٸنٸن, وعان "جاۋلىق نيەتٸ جوعىن" مەلٸمدەگەن.
كەيٸنگٸ جىلدارى اقش پەن سولتٷستٸك كورەيا اراسىنداعى يادرولىق قارۋدان ارىلۋ بويىنشا كەلٸسسٶزدەر نەتيجەسٸز اياقتالعان.
اقش سولتٷستٸك كورەياعا يادرولىق قارۋدان باس تارتسا, سانكتسييانى جۇمسارتاتىنىن ايتقان. ال پحەنيان وعان كەلٸسپەيدٸ.
