Soltústik Koreia basshysy Kim Chen Yn iadrolyq synaq pen alys qashyqtyqtaǵy raketalardyń synaǵyn qaita bastaitynyn málimdedi, dep habarlaidy "Ult aqparat" VVS-ge silteme jasap.
Basylymnyń jazýynsha, bul kelisim Soltústik Koreia men AQSh arasynda bolǵan kelissóz kezinde qabyldanǵan.
«Kim Chen Yn Soltústik Koreianyń jańa strategiialyq qarý usynatynyn da aitty. Degenmen ol AQSh-ty dialogqa shaqyryp, synaq «kólemi» Amerikanyń pozitsiiasyna bailanysty bolatynyn aitty», dep jazady basylym.
Sarapshylardyń aitýynsha, bul sheshimge eki taraptyń ortaq kelisimge kele almaýy sebep bolyp otyr: Vashington Phenian tolyǵymen iadrolyq baǵdarlamadan bas tartpai, sanktsiialardy alyp tastamaitynyn málimdegen edi.
2019 jyldyń sońynda Soltústik Koreia kishigirim qarýlardy synaqtan ótkizgen. Bul áreket AQSh-qa qysym kórsetý amaly retinde baǵalandy. Vashington kelissóziniń nátijesinde Soltústik Koreia iadrolyq synaq pen ballistikalyq raketalar synaǵyna moratorii jariialaǵan bolatyn. Phenian mundai synaqtardy 2017 jyldan beri ótkizbedi.
Kim Chen Yn Soltústik Koreia moratorii kúshin joiatynyn, sebebi Vashington Ońtústik Koreiamen áskeri jattyǵýdy toqtatpai, óz sanktsiialaryn kúsheitip jatqanyn aitty. Sonymen qatar, álem jańa strategiialyq qarýmen tanysatynyn málimdedi.
