Soltústik Koreia mektepterinde orys tili mindetti pán retinde engizildi

Foto: bilim-all.kz

Soltústik Koreia mektepterinde orys tili 4-synyptan bastap mindetti túrde oqytylady. Bul týraly Resei men KHDR arasyndaǵy úkimetaralyq komissiianyń teń tóraǵasy, Reseidiń tabiǵi resýrstar jáne ekologiia ministri Aleksandr Kozlov málimdedi, dep habarlaidy Ult.kz.

«KHDR mektepterinde orys tili 4-synyptan bastap mindetti til retinde engizildi. Reseide qazirgi ýaqytta 3 myńnan astam oqýshy korei tilin oqyp júr. Olardyń basym bóligi korei tilin ekinshi nemese úshinshi shetel tili retinde meńgerýde», – dedi Kozlov beisenbi kúni Máskeýde ótip jatqan úkimetaralyq komissiia otyrysynda.

Onyń aitýynsha, eki el jeke salalar boiynsha qosymsha bilim berý uiymdastyrýda belsendi yntymaqtasyp keledi: bankirler, energetikter, dárigerler, geologtar oqytylýda. Ministrdiń aitýynsha, ótken oqý jylynda KHDR-dyń 96 azamaty Resei joǵary oqý oryndaryna tústi. Olardyń kópshiligi Qiyr Shyǵys federaldy ýniversitetine (QShFÝ), MGIMO jáne RÝDN-ǵa qabyldanǵan. Al Reseidiń 300 stýdenti korei tilin oqýdy tańdaǵan.

Ol sondai-aq orys tiliniń KHDR-de dástúrli túrde eń tanymal shetel tilderiniń alǵashqy úshtigine kiretinin atap ótti. Qazir Soltústik Koreiada shamamen 600 adam orys tilin oqyp júr.

Kozlovtyń habarlaýynsha, kelesi jyly KHDR-de Kim Chhol Chjý atyndaǵy Pedagogikalyq ýniversitet bazasynda orys tilindegi ashyq bilim berý ortalyǵy jumysyn bastaidy. Qazir ortalyq ornalasatyn ǵimarattyń qurylysy júrip jatyr.
Budan bólek, biyl alǵash ret 21 mamyrda Vladivostokta QShFÝ bazasynda Resei men KHDR rektorlarynyń forýmy ótti.