سولتٷستٸك كورەيا مەكتەپتەرٸندە ورىس تٸلٸ مٸندەتتٸ پەن رەتٸندە ەنگٸزٸلدٸ

فوتو: bilim-all.kz

سولتٷستٸك كورەيا مەكتەپتەرٸندە ورىس تٸلٸ 4-سىنىپتان باستاپ مٸندەتتٸ تٷردە وقىتىلادى. بۇل تۋرالى رەسەي مەن كحدر اراسىنداعى ٷكٸمەتارالىق كوميسسييانىڭ تەڭ تٶراعاسى, رەسەيدٸڭ تابيعي رەسۋرستار جەنە ەكولوگييا مينيسترٸ الەكساندر كوزلوۆ مەلٸمدەدٸ, دەپ حابارلايدى Ult.kz.

«كحدر مەكتەپتەرٸندە ورىس تٸلٸ 4-سىنىپتان باستاپ مٸندەتتٸ تٸل رەتٸندە ەنگٸزٸلدٸ. رەسەيدە قازٸرگٸ ۋاقىتتا 3 مىڭنان استام وقۋشى كورەي تٸلٸن وقىپ جٷر. ولاردىڭ باسىم بٶلٸگٸ كورەي تٸلٸن ەكٸنشٸ نەمەسە ٷشٸنشٸ شەتەل تٸلٸ رەتٸندە مەڭگەرۋدە», – دەدٸ كوزلوۆ بەيسەنبٸ كٷنٸ مەسكەۋدە ٶتٸپ جاتقان ٷكٸمەتارالىق كوميسسييا وتىرىسىندا.

ونىڭ ايتۋىنشا, ەكٸ ەل جەكە سالالار بويىنشا قوسىمشا بٸلٸم بەرۋ ۇيىمداستىرۋدا بەلسەندٸ ىنتىماقتاسىپ كەلەدٸ: بانكيرلەر, ەنەرگەتيكتەر, دەرٸگەرلەر, گەولوگتار وقىتىلۋدا. مينيستردٸڭ ايتۋىنشا, ٶتكەن وقۋ جىلىندا كحدر-دىڭ 96 ازاماتى رەسەي جوعارى وقۋ ورىندارىنا تٷستٸ. ولاردىڭ كٶپشٸلٸگٸ قيىر شىعىس فەدەرالدى ۋنيۆەرسيتەتٸنە (قشفۋ), مگيمو جەنە رۋدن-عا قابىلدانعان. ال رەسەيدٸڭ 300 ستۋدەنتٸ كورەي تٸلٸن وقۋدى تاڭداعان.

ول سونداي-اق ورىس تٸلٸنٸڭ كحدر-دە دەستٷرلٸ تٷردە ەڭ تانىمال شەتەل تٸلدەرٸنٸڭ العاشقى ٷشتٸگٸنە كٸرەتٸنٸن اتاپ ٶتتٸ. قازٸر سولتٷستٸك كورەيادا شامامەن 600 ادام ورىس تٸلٸن وقىپ جٷر.

كوزلوۆتىڭ حابارلاۋىنشا, كەلەسٸ جىلى كحدر-دە كيم چحول چجۋ اتىنداعى پەداگوگيكالىق ۋنيۆەرسيتەت بازاسىندا ورىس تٸلٸندەگٸ اشىق بٸلٸم بەرۋ ورتالىعى جۇمىسىن باستايدى. قازٸر ورتالىق ورنالاساتىن عيماراتتىڭ قۇرىلىسى جٷرٸپ جاتىر.
بۇدان بٶلەك, بيىل العاش رەت 21 مامىردا ۆلاديۆوستوكتا قشفۋ بازاسىندا رەسەي مەن كحدر رەكتورلارىنىڭ فورۋمى ٶتتٸ.