Phenianda Qyrym túbegin Reseidiń bóligi retinde kórsetilgen álem atlasy basyp shyǵaryldy, - dep habarlaidy kaz.tengrinews.kz RT portalyna silteme jasap. Bul týraly KHDR-degi Resei elshiligi málimdegen.
Soltústik Koreianyń Syrtqy ister ministrligi Phenian "Túbektiń Reseige qosylý týraly ótken referendýmyn qoldaityny" málimdegen. "Ǵylymi entsiklopediia" basylymy (KHDR) álemniń jańa saiasi atlasyn basyp shyǵardy. Qyrym túbeginiń (240-242 bet) Resei týynyń túsimen boialǵanyna nazar saldyq", - delingen RF elshiliginiń Facebook jelisindegi paraqshasynda.
Sonymen qatar syrtqy saiasi vedomstvo ókilderi Soltústik Koreia referendým qorytyndysyn zańdy jáne halyqaralyq quqyqtyq normalarǵa sai dep tanitynyn da aita ketti. "KHDR bul másele boiynsha BUU sailaýynda resmi túrde óz ustanymyn bildirdi jáne Qyrym Reseidiń ajyramas bóligi retinde tanitynyn bildirip otyr. Phenian Kýril araldaryna qatysty ustanymy da osyndai", - delingen habarlamada.
Qyrym 2014 jyldyń naýryzynda ótken referendým qorytyndysy boiynsha Reseidiń bóligi retinde tanyldy. Ol kezde túbek turǵyndarynyń kópshiligi Reseige qosylýdy jaqtaǵan.
