Soltústik Koreia BAQ-tarynda KHDR zymyrandarynyń amerikalyq áskeri ushshaqtar men áýetasymaldaýshylaryn joiǵany túsirilgen delingen sýretter men videokollajdar jariialandy, - dep habarlaidy Lenta.ru ońtústikkoreialyq "Ionhap" agenttigine silteme jasap.
Naqtyraq aitqanda, amerikalyq B1-B bombalaýshysy men F-35 joiǵyshy joiyldy delingen sýretter jariia bolǵan. Munymen qatar, KHDR súńgýir qaiyǵynan ballistikalyq zymyrannyń amerikalyq "Karl Vinson" (USS Carl Vinson) áýetasymaldaýshysy men onyń bombalaýshysyna ushyrylý sáti modeldengen video jariialandy.
BAQ málimetinshe, kollajdar 23 qyrkúiekte joiǵysh ushaqtar súiemeldegen AQSh áskeri-áýe kúshteri Soltústik Koreia men Ońtústik Koreiany bólip turǵan demilitarizatsiialanǵan aimaq halyqaralyq keńistiginde ushyp ótkennen keiin jariialanǵan. Pentagon ókilderi AQSh ushaqtarynyń demilitarizatsiialanǵan aimaqtan soltústikke qarai HHI ǵasyrdaǵy eń ary asyp barǵanyn aityp otyr.
Osylaisha AQSh Donald Tramptyń áskeri áleýetin kórsetken delinedi. "Bul missiia prezidenttiń kez kelgen qaterdi jeńýge degen kóp nusqasynyń bar ekenin kórsetetin AQSh-tyń batyldyǵynyń kórsetkishi", - dep keltiredi basylym Pentagon baspasóz hatshysy Dana Ýaittyń sózin.
Eske salaiyq munyń aldynda Donald Tramp KHDR Amerika Qurama Shtattaryna qaýip tóndiretin jaǵdaida olardy joiýǵa týra keletinin málimdegen bolatyn. Keiin KHDR lideri Kim Chen Yn AQSh prezidenti Donald Tramptyń BUU-nyń Bas Assambleiasynda Soltústik Koreiany tolyqtai joiyp jiberý týraly sózin Phenianǵa soǵys jariialaý dep uqqany habarlanǵan edi.
