Foto: ashyq derekkóz
Soltústik Qazaqstan oblysynda 57 jastaǵy sharýa qojalyǵynyń basshysy qaza tapty, dep habarlaidy Ult.kz.
Qaiǵyly jaǵdai 13 qarasha kúni tańerteń Timiriazev aýdanynyń Tselinnoe aýylynda bolǵan. Er adam basyna oq tiip, kóz jumǵan.
"13 qarashada Timiriazev aýdanynyń Tselinnoe aýylynda óz úiinen 57 jastaǵy er adamnyń máiiti tabyldy. Sýitsid faktisi boiynsha sotqa deiingi tergeý bastalyp, oqiǵanyń sebepteri men mán-jaiy anyqtalyp jatyr", – dep habarlady oblystyq politsiia departamenti.
Vedomstvo ókilderi oqiǵa ornynan ańshy myltyǵy tárkilengenin málimdedi.
Timiriazev aýdanynyń ákimi Erlan Jarov marqumnyń otbasyna kóńil aityp, onyń shamamen 30 jyl boiy aýyl sharýashylyǵymen ainalysqanyn, áriptesteri men aýyldastary arasynda úlken bedelge ie bolǵanyn atap ótti. Sonymen qatar ol qoǵamdyq ómirge belsene aralasyp, áleýmettik bastamalarǵa árdaiym qoldaý kórsetip kelgen.
