Soltústik Qazaqstan oblysynyń keibir aýdandarynda alǵashqy qar tústi, dep habarlaidy "Ult aqparat".
Mamliýt, Esil jáne Taiynsha aýdandarynyń turǵyndary búgin tańerteń terezelerinen qar basqan kóshelerdi kórdi.
Petropavlǵa qys kelýge áli erte. Alaida termometr baǵany 2 gradýs sýyqty kórsetýde. Keshe keshke munda jańbyr jaýyp, sońy qarǵa ulasty.
Sinoptikter keshe soltústikqazaqstandyqtardy 13 qazanda aýa temperatýrasy tómendep, qar aralas jańbyr jaýatyny týraly eskertken bolatyn.
Búgin aimaqta áýeli ońtústik-batystan soǵatyn jel keiin soltústik-batys baǵytqa aýysady. Kei jerlerde jel ekpini sekýndyna 20 metrge deiin jetýi yqtimal. Kúndiz aýa temperatýrasy 3-10 gradýs jyly bolady.
