"Soltústik Qazaqstan eginshileri biyl 5,6 mln tonna astyq bastyrdy. Bul týraly búgin Astanada Ortalyq kommýnikatsiialar qyzmetinde ótken baspasóz máslixatynda Soltústik Qazaqstan oblysy ákiminiń birinshi orynbasary Aidarbek Saparov málim etti", - dep habarlaidy Ult.kz tilshisi QazAqparat agenttigine silteme jasap.
«Soltústik Qazaqstan oblysy - elimizdiń astyqty óńiri. Oblysta respýblikanyń 3\1 astyǵy shyǵarylady. Jalpy óńirlik ónim úlesinde aýyl sharýashylyǵy kólemi 22 paiyzdy quraidy. Aýyl sharýashylyǵynyń jalpy kólemi 2016 jyldyń 9 aiynda 289 mlrd teńgeni qurady. Jyl basynan beri bul salaǵa 45 mlrd teńge investitsiia tartylǵan. Bul ótken jylmen salystyrǵanda 18 paiyzǵa joǵary. Aýyl sharýashylyǵynda xalyqtyń ekonomikalyq belsendi bóliginiń 3\1 jumys isteidi. Bul shamamen 109 myń adam. Biyl egistik alqaptyń kólemi 4 mln 375 myń gektardy qurady. Qazirgi ýaqytta bizdiń jergilikti eginshiler 5,6 mln tonna astyq bastyrdy. Ortasha ónimdilik 17 tsentner, keibir alqaptarda ónimdilik gektaryna 30 tsentnerden asady», - deidi ol.
Onyń aitýynsha, sońǵy 5 jylda biz syiymdylyǵy 600 myń tonnadan asatyn 24 elevator salynǵan. Sondyqtan biyl astyq saqtaý jáne onyń qar astynda qalmaýyna barlyq jaǵdailar jasaldy.
«Aýyl sharýashylyǵy salasyn sýbsidiialaýǵa biyl 31,5 mlrd teńge baǵyttalyp otyr. Bul ótken jylmen salystyrǵanda, 14 mlrd. teńgege kóp. Astyq surpyn jańartý jáne almastyrý, mineraldyq tyńaitqyshtardy qoldaný boiynsha qyrýar jumystar atqaryldy. Jalpy biz kóktemgi egistik jumystarǵa jeltoqsan aiynan bastap daiyndalamyz. Máselen, byltyr biz Soltústik Qazaqstan oblysymen shekaralas jatqan RF oblystarynyń, atap aitqanda Túmen, Omby jáne Qorǵan oblystarynyń ǵalymdary qatysqan úlken konferentsiia ótkizdik. Onda jergilikti eginshiler erte pisetin dándi daqyldardyń surpyn ósirý jóninde sheshimge keldi. Sebebi sońǵy eki jylda bolǵan aýa raiy eginniń ónimine qatty áser etken bolatyn. Osynyń arqasynda kesh pisetin dándi daqyldar alqaby biyl 19 paiyzǵa azaityldy», - deidi ol.
Aita keteiik, aldaǵy demalystarda, 22-23 qazanda Astanada SQO kúnderi ótedi. Onyń aiasynda óńirdiń aýyl sharýashylyq ónimderiniń jármeńkesi jáne mádeni keshteri men kontserttik baǵdarlamalary ótpek.
