Ótken táýlikte Aqmola oblysynyń barlyq sý basqan turǵyn úilerinen tasqyn sý burylyp áketildi jáne sorǵyzyldy. Sondai-aq, Qostanai jáne Qaraǵandy oblystaryndaǵy 10 turǵyn úi sýdan aryltyldy.
Bul týraly QR IIM TJK baspasóz qyzmeti habarlaidy.
26 sáýirdegi jaǵdai boiynsha Qaraǵandy oblysy Nura aýdany Tassýat aýylyndaǵy 5 úi, Qostanai oblysy Qarasý aýdany Jambyl kentindegi 7 úi, Shyǵys Qazaqstan oblysy Besqaraǵai aýylyndaǵy 9 úi sý basqan kúiinde qalyp otyr.
Soltústik Qazaqstan oblysynda Esil ózenindegi sý deńgeiiniń artýynan 171 úidi sý basty.
Jergilikti jerlerde Tótenshe jaǵdailar komitetiniń bólimsheleri, jergilikti atqarýshy organdar, Ulttyq ulan, Jergilikti politsiia qyzmetkerleri men jumyldyrylǵan uiymdar jumys isteidi.
Sý tasqynyna qarsy is-sharalarǵa 1103 adam, 340 birlik tehnika, 20 sý sorý qurylǵysy jáne 23 júzý quraly jumyldyryldy.
Aqmola oblysynda TJK qutqarý bólimsheleri sýdy sorý, qorǵanysh úimelerin monitoringteý, psihologiialyq kómek kórsetý, «qaýyrt jeli» telefonyn uiymdastyrý jumystaryn júrgizýde. Sondai-aq Atbasar aýdany Ashykól kentiniń tuǵyndaryn ótkizý, dári-dármekter men azyq-túlik ónimderin jetkizý jumystary jalǵasyp jatyr.
Qostanai oblysynda TJK Soltústik óńirlik aeromobildik jedel-qutqarý jasaǵy qutqarýshylarynyń kúshimen Qarasý aýdany Jambyl kentindegi tasqyn sýlardy sorý jumystaryn júrgizýde. Jergilikti atqarýshy organdarmen jáne jumyldyrylǵan uiymdarmen birlesip bir táýlik ishinde 22 430 tekshe metr sý soryp alyndy. Sondai-aq, qutqarýshylyr Qarasý aýylynda kezekshilikti júzege asyrýda.
Aqtóbe qalasynda Aqtóbe oblysy TJD Órt sóndirý jáne avariialyq-qutqarý jumystary qyzmetiniń kúshteri saiajai ýchaskeleri aýdanyndaǵy kólemi 3400 tekshe metr jinalyp qalǵan qar sýyn soryp aldy. Jumystar aiaqtaldy.
Qaraǵandy oblysy TJD qutqarý bólimsheleri jergilikti atqarýshy organdarmen jáne Ulttyq ulannyń № 52859 áskeri bólimimen birlesip 6 úidiń jertólesinen kólemi 505 tekshe metr sýdy soryp aldy.
Soltústik Qazaqstan oblysy qutqarýshylary kómekke kelgen Respýblikalyq jedel-qutqarý jasaǵynyń (Almaty q.), Ortalyq óńirlik aeromobildik jedel-qutqarý jasaǵy (Astana q.) qutqarýshylarymen, sondai-aq jergilikti atqarýshy organdardyń, Ulttyq ulannyń №6657 áskeri bóliminiń kúshteri men quraldarymen birlesip halyqty jáne úi janýarlaryn evakýatsiialaý, qorǵaý bógenderin nyǵaitý jáne kóterý, qum salynǵan qaptar tóseý, TJ aimaqtarynda patrýldeý jáne táýlik boiy kezekshilikte bolý jumystaryn júrgizdi.
Shyǵys Qazaqstan oblysy qutqaýshylary Besqarai aýdany Besqarai aýylynan sý sorý jumystaryn jalǵastyrýda.
Sý tasqyny kezeńi bastalǵannan beri qaýipti ýchaskelerde qosymsha 40308 metr ýaqytsha bógen turǵyzyldy, inertti materialdarmen 214299 dana qum salynǵan qap jinalyp, tóseldi.
