Foto: Freepik.com
Soltústik Qazaqstan oblysynda 39 jastaǵy bes balanyń anasy TikTok jelisinde Qazaqstannyń sotústigi Reseidiki ekenin jáne orys qarýly kúshteri osy aimaqqa basyp kirse qoldaitynyn aitqan. Áiel separatizm baby boiynsha úsh jylǵa sottaldy, – dep habarlaidy «Ult aqparat» Stan.kz -ke silteme jasap.
Qylmystyq is materialdarynda oqiǵa Mamliýt aýdanynyń Dýbrovnoe aýylynda bolǵany kórsetilgen. Turǵyn TikTok jelisinde tikelei efir ótkizip, buryn tanys emes adammen túrli taqyryptarda onlain-áńgimelesken. Onyń ishinde saiasi taqyrypty da qozǵaǵan.
“Beinejazba barysynda, sózderi ózgelerge teris áser etýi múmkin ekenine qaramastan, áiel Soltústik Qazaqstannyń búkil aýmaǵy tarihi túrde Resei Federatsiiasynyń ákimshilik-aýmaqtyq bólinisiniń birligi dep ashyq aitqan. Onyń ishinde Petropavl, Sotústik Qazaqstan oblysyn atap kórsetken. Sondai-aq ol Resei áskerleriniń Qazaqstan aýmaǵyna qarýly basyp kirýin qoldaitynyn aitqan. Bul rette ol belgili bir adamdarǵa, onyń ishinde el aýmaǵynda turatyndarǵa separatizmge bastamashylyq jasaýda negiz quryp otyr”, – delingen sot úkiminde.
Áieldiń ózi bul áńgimeni joqqa shyǵarmaidy. Aitýynsha, suhbattasýshy oǵan túrli suraqtar qoiǵan. Al oǵan nege osylai jaýap bergenin ózi de túsinbegenin aitty. Áiel istegen isine ókinetinin jetkizdi.
Mamliýt aýdandyq soty ony kináli dep taýyp, ortasha qaýipsizdik qylmystyq-atqarý júiesi mekemesinde úsh jylǵa bas bostandyǵynan aiyrý jazasyn taǵaiyndady.
