COVID-19 juqtyrǵandardyń kórsetkishi ózge óńirlerge qaraǵanda Soltústik Qazaqstan men Shyǵys Qazaqstanda joǵary bolyp otyr, dep habarlaidy "Ult aqparat".
«Búgingi tańda Qazaqstanda COVID-19 juqtyrǵan 65 188 adam tirkeldi. Onyń ishinde 32 248 - simptomdyq jaǵdai. 25 688 naýqas emin jalǵastyrýda. 39 066 adam saýyǵyp shyqty. 6-12 shilde aralyǵynda respýblikada 11 325 jaǵdai tirkelgen. Ótken aptamen salystyrǵanda sany 6,7 paiyzǵa ósken. Ótken táýlikte elimizde 1674 jańa jaǵdai tirkeldi. Ósim – 2,6 paiyzdy quraidy. Jańa jaǵdailardyń kóbi Almatyda tirkelgen», - dedi QR DSM Taýarlar men kórsetiletin qyzmetterdiń sapasy men qaýipsizdigin baqylaý komitetiniń tóraǵasy Timýr Sultanǵaziev OKQ-da ótken baspasóz máslihatynda.
Komitet tóraǵasynyń aitýynsha, bir apta ishinde syrqattanýshylyq deńgeii 6,7% ósken. Ótken táýlikte bul kórsetkish 1 674 jaǵdaidy (2,6%) quraǵan. Indetti juqtyrǵandardyń basym bóligi Almaty qalasynda (219), Atyraý oblysynda (218) tirkelgen.
«Eń joǵary ósim Soltústik Qazaqstan (5,1%) jáne Shyǵys Qazaqstan (3,9%) oblystarynda baiqaldy», - dedi ol.
