Foto: Reuters/RIA Novosti
SpaceX jáne Tesla kompaniialarynyń negizin qalaýshy Ilon Mask Twitter-de Roskosmos memlekettik korporatsiiasynyń basshysy Dmitrii Rogozinniń "Mask Ýkraina kúshterin áskeri bailanys quraldarymen qamtamasyz etkeni úshin "eresekshe" jaýap berýi kerek" degen málimdemesine jaýap berdi, - dep habarlaidy Tengrinews.kz.
Rogozin Telegram-arnasynda Pentagon Mariýpoldegi natsistik Azov batalonynyń jaýyngerlerine Ilon Mask jasaǵan Starlink bailanys júielerin jetkizgenin jazdy. Osylaisha, amerikalyq milliarder, Roskosmos basshysynyń sózinshe, olardy jabdyqtaýǵa qatysyp otyr.
"Osylaisha Ilon Mask Ýkrainadaǵy fashistik kúshterdi áskeri bailanys quraldarymen qamtamasyz etýge qatysyp otyr. Al bul úshin ol eresekshe jaýap berýi kerek, Ilon, ótirik aqymaq bolma", - dedi Rogozin.
Oǵan jaýapta kásipker bylai dep jazdy: "Rogozin muny reseilik BAQ-qa jiberdi... Men jumbaq jaǵdaida qaza tapsam, sizdi bilgenim úshin qýanyshtymyn... Soǵysta perishteler joq".
Mask "Roskosmos" basshysynyń "Azov natsistik" batalony týraly sózine túsinik bere otyryp, "natsist" sóziniń maǵynasy ol oilaǵandai emes ekenin aitty.
27 aqpanda Ilon Mask Ýkrainadaǵy paidalanýshylar úshin Starlink spýtniktik Internetin qosty. Oǵan Ýkrainanyń tsifrlyq transformatsiia ministri Mihail Fedorov ótinish bergen.
