Elbasy Nursultan Nazarbaevtyń aitýynsha, munyń úlken sebebi bar, dep habarlaidy QazAqparat.
«Jýyrda ǵana orta jáne shaǵyn qashyqtyqtaǵy raketalardy joiý týraly kelisimniń kúshin joiýy – jahandyq ári aimaqtyq qaýipsizdikke jasalǵan úlken soqqy boldy. Osy qadam búkil Eýraziia aýmaǵynda baqylanbaityn militarizatsiiaǵa jol berdi. Óz kezeginde soǵysqa daiyn elder iadrolyq qarýdan bas tartý jigerin joǵaltýda. Olar iadrolyq qarýdy óz qaýipsizdigi men egemendiginiń kepili dep bilip otyr», - dedi Nursultan Nazarbaev Astana Club otyrysynda.
Aita ketsek, elordada QR Tuńǵysh Prezidenti Nursultan Nazarbaevtyń qatysýymen Astana Club otyrysy ótip jatyr. Kezekti basqosýǵa álemniń 23 memleketinen geosaiasat, ekonomika men halyqaralyq qatynastar salasynyń mańdaialdy sarapshysy retinde moiyndalǵan 50-den astam halyqaralyq spiker qatysýda. Qurmetti meimandardyń qatarynda - 3 burynǵy memleket basshysy, 5 eks-premer-ministr, 10 ministr jáne Nobel syilyǵynyń laýreaty bar.
