Astana ákimdiginiń Investitsiialar jáne kásipkerlikti damytý basqarmasynyń basshysy Halel Ákimjanov logistika men qoimaǵa saqtaýǵa barlyq investitsiialardyń 38,8%-y salynǵanyn, al ónerkásiptiń ósýi – 7,6% bolǵanyn habarlady.
Qalada 560 myńǵa jýyq adamdy jumyspen qamtyp otyrǵan 246 myń ShOB sýbektisi jumys isteidi. ShOB-tyń elorda ekonomikasyna qosqan úlesi 66%-ǵa jetti, bul rette sektorda qalanyń ekonomikalyq belsendi halqynyń shamamen 76%-y jumys isteidi.
«Joǵary dinamikany kórsetip otyrǵan negizgi jetekshi salalar – logistika, ónerkásip jáne dástúrli túrde qurylys salasy. Búgingi tańda shaǵyn jáne orta biznes sýbektileri jalpy óńirlik óniminiń shamamen 66%-yna úles qosýda», — dep atap ótti Halel Ákimjanov.
2026 jyly Astanada 1,4 myńnan astam jumys ornyn qura otyryp, 68,4 mlrd teńgege 26 ónerkásiptik jobany iske qosý josparlanýda. Qazirdiń ózinde quny 32,1 mlrd teńge bolatyn 8 joba 500 jumys ornyn qamtamasyz etti. Jyl sońyna deiin 36,3 mlrd teńgege taǵy 18 joba iske qosylady dep kútilýde, bul qosymsha 956 jumys ornyn qurýǵa múmkindik beredi.
