Foto: 24.kz
Májilistiń agrarlyq máseleler komiteti Premer-ministrge aýyl sharýashylyǵy ministrliginiń basshylyǵyn jaýapkershilikke tartý týraly resmi hat joldady. Oǵan sýbsidiialaý salasyndaǵy júieli problemalar sebep bolǵan, dep habarlaidy Sputnik Qazaqstan.
Depýtat, komitet tóraǵasy Serik Egizbaevtyń aitýynsha, aýyl sharýashylyǵy ministrliginiń basty mindetteriniń biri – sýbsidiialaý arqyly agroónerkásip kesheniniń damýyn retteý, biraq munda da barlyǵy oidaǵydai bolmai tur.
"Fermerlerge nesie berý sharttaryn, onyń ishinde kepilmen qamtamasyz etý talaptaryn túbegeili qaita qaraý qajet. "Oiyn erejesi" únemi ózgeredi. Qazirgi basshylyq quramnyń 2021 jylǵy qyrkúiekten búgingi kúnge deiingi qyzmeti aralyǵynda ǵana sýbsidiia berýge qatysty buiryqtar 20 retten kóp ózgertilgen! Sýbsidiia berý jónindegi memlekettik saiasat árbir jarty jyl saiyn ózgeretin bolsa, fermerler óz jumysyn qalai josparlaýy kerek?", - dep ashyndy Egizbaev Májilistegi Úkimet saǵatynda.
Depýtattiń pikirinshe, ministrlik sýbsidiia berýdiń turaqty jáne túsinikti erejelerin belgilep, ony keminde 5 jylǵa deiin ózgertpeýi qajet.
"Sýbsidiialaýdyń biryńǵai memlekettik aqparattyq júiesiniń jumys isteýine qatysty máseleler birneshe ret, onyń ishinde parlament qabyrǵasynda da kóterildi. Alaida problema áli kúnge deiin sheshilgen joq, sońǵy jarty jyl ishinde aýyl sharýashylyǵy ministrligi osy aqparattyq júieniń daiyn ekeni týraly 11 ret, onyń ishinde májilistiń jańadan sailanǵan depýtattaryna da birneshe ret sendirip aitty", - deidi májilismen.
Egizbaevtyń aitýynsha, osy saladaǵy asa qiyn jaǵdaiǵa bailanysty Májilistiń agrarlyq máseleler komiteti Premer-ministrge Aýyl sharýashylyǵy ministrliginiń basshylyǵyn jaýapkershilikke tartý týraly resmi hat joldaýǵa májbúr bolǵan.
